亞來泰菜餐館

今晚老婆話天氣咁悶熱，想去食泰國野喎，我們就去了洪水橋的亞來泰菜餐館，本來我們係想去附近的泰馨餐館，點知打電話去訂位，泰馨的職員好串，職員話已full，要黎等位，咁只好去等啦，去到間店，職員話無訂位就無位，老婆問咁要等幾耐？第一次唔應我們，要問第二次才答，話最快要八點幾先有位，咁點解一早唔講要等咁耐先有位？等我們白去，真吹脹又無禮貌，最憎呢些店......，幾好食都係咁話！

好彩附近都有一間泰國人主理的餐館

我們六點十五分入去還有位，過了一陣就爆晒，真好彩，這間的職員都幾禮貌，不過裡面都幾多蚊，這個係缺點，我們點了生蝦刺身、冬陰公、芝士炸蝦球、泰式肉碎生菜包、泰式酸辣鳳爪、海南雞(半隻)、青檸梳打、珍多冰，埋單$345蚊.

生蝦刺身

醬汁:這個醬很開胃，酸酸地很好味

生蝦處理得很乾淨，睇到都知係有質素的

點一點醬汁，加埋蒜片一齊放入口，嘩！好爽脆啊，生蝦肉質夠實又夠凍，非常高質素的

冬陰公:雖然我對冬陰公唔太喜愛，但這個湯真係好濃，老婆好喜歡，不過越飲越辣的

泰式酸辣鳳爪:份量都幾多，雖然配料都唔少，可惜醃得唔夠入味，同埋再凍多少許就更好，所以我們盡量浸多一陣先食，味道比之前好些，鳳爪亦有彈性，唔錯

泰式肉碎生菜包

肉碎咬落唔粗糙，肉味又夠，配上生菜就最登對的

芝士炸蝦球:外層炸得夠鬆化，裡面的芝士唔算很濃，但起碼唔太膩

海南雞(半隻):單看這隻黃皮雞的色澤真唔錯，因黃皮的雞通常都很美味的呢

皮薄肉嫩都唔出奇，但肉質咬落又腍又有彈性，最緊要係有雞味，估唔到這店的海南雞都咁有質素，很多出名的都要行埋一邊啊

青檸梳打

珍多冰:很濃椰汁味，唔錯

單據