板橋壽司

上個月同老婆去了嘉湖銀座食晚飯，但就未必去邊間食，經過呢間板橋壽司覺得有點奇怪，點解咁多人排隊既呢？平時經過 都唔會望多眼的，事關幾年前新開張時食過幾次，當然的質素係唔錯，但後來越黎越差，所以無再去幫襯，我有時經過都會同老婆講：呢間店有乜可能捱得住？係咪 洗黑錢架？因為晚市都唔多人幫襯，點知近排竟然新裝修喎，又推出些新優惠，就係點火鍋套餐會送多碟肥牛及晚上大概八點後迴轉壽司一律$10碟，還有九折優惠，聽落幾吸引，於是入去試試啦，我們點了牛肉火鍋、特選魚生飯、芥辣八爪魚壽司、魷魚鬚壽司，埋單$170蚊。

芥 辣八爪魚壽司:其實正正就係呢碟壽司，而令我無再幫襯這店幾年時間，因為頭一兩次都係正常芥辣八爪魚壽司，但之後就改用平價版粉紅色那種芥辣八爪魚壽司， 就係元氣壽司現在選用的那種，我最討厭的，但很高興今次在這裡再次食到，芥辣八爪魚係好味的，亦係我最愛之一，但這店的飯整得比較弱......

魷魚鬚壽司:魷魚鬚夠凍，咬落係脆口鮮甜的，非常新鮮

特選魚生飯魚生飯材料分別有以下幾種
海膽:睇落有些溶，但食落就好甜好新鮮，又夠凍，一些苦味都無
吞拿魚:咬落簡直想即刻吐出黎啊，肉質粗糙及有很多筋，魚的味道又差，睇樣都知一定係平價貨
大八爪魚:好韌啊
帶子:好鮮甜
劍魚腩:腩位係唔同些的，入口咬兩咬已經分泌分油香
三文魚:無試
甜蝦:甜蝦亦算大隻及新鮮

飯係選用珍珠米的，整體算唔錯的

海藻亦很爽口

麵豉湯夠濃，好飲啊

火鍋湯底我們選擇甜豉油，因為甜豉油亦好夾肥牛的，不過我喜歡這鍋，因為不會太甜的

牛肉火鍋套餐:個餐捧過黎時我都嚇一跳，$58蚊竟然有咁多食材？唔係掛，肥牛仲要唔係普通的貨色

睇下d色澤及花紋一d都唔差架，還非常新鮮

這碟係送的

睇下幾咁大塊

牛肉味道都幾重，有些小咬口，但唔會韌的感覺，唔錯

烏冬:烏冬就粉左d，口感亦粗糙

豆腐非常之滑

價錢平，但質素一d都唔失禮