老地方菜館

今晚本來同老婆去元朗食辣雞煲，但出到元朗老婆才話突然想食豬骨煲！咁就諗住一路行熟食檔那邊啦，點知見到鳳翔街附近有很多人在打邊爐，成個街邊都係人，我咪行去睇睇囉，行到老地方菜館見到有很多人在食豬骨鍋，所以決定入去試試，反正人多幫襯的店一定唔太差的.



我們點了豬骨鍋、可樂X3，埋單$204蚊.

見到職員拿個豬骨鍋過黎時，我同老婆都嚇親，因為好鬼大鍋啊......




每件豬骨都有返咁上下份量的

這豬骨鍋睇賣相已經好吸引，但原來裡面材料一點都唔小野，分別有紅蘿蔔、粟米、白蘿蔔、雞腳、新鮮豬腸、 新鮮豬肚、枝竹等等

新鮮豬腸同新鮮豬肚非常正，一點異味都無架

看 看這湯的色水，百份百用大量豬骨熬煉出黎的，只是加了少許胡椒，但我喜歡胡椒味道很輕微，一點都唔搶喉，而且老闆強調絕無落過味精的，而且經常主動加湯， 其實點解我會咁清楚？我都唔知點解經常有職員同老闆走過黎吹水！可能見我們兩個人都敢叫豬骨鍋啦，但老闆經常對我們講，唔好浪費這湯頭，所以這湯我飲了很 多碗，超正啊

看看裡面的材料，真係超多架，這已經係我們差唔多食剩時影的

我們真係食唔落了，對落它只有目光呆滯，真係超飽啊！