因為六點就到達，所以大把位揀，但其實都坐得幾唔舒服的
我們點了柚子蝦沙律、生菜碎肉包、生蝦刺身、薄餅、黃咖哩、炸蝦餅、芒果糯米飯、青檸梳打水，埋單$288蚊.
柚子蝦沙律:其實我係點柚子沙律的，但唔知點解送來的係柚子蝦沙律，同個職員講，職員好似問非所答！不過算啦，價錢不會貴很多，這柚子沙律很有東南亞的味道，只是蝦較一般
生菜碎肉包:賣相好似唔錯，而且菜的份量很多
不過d碎豬肉真係好老啊！真係失失失失失失敗......
生蝦刺身:蝦真係比較細隻，價錢都不平架，而且唔凍又唔脆，很一般
薄餅:餅的口感很一般，應該要換過d麵粉啦！
黃咖哩:這咖哩真係好香，一點都不辣的，老婆都讚好
炸蝦餅:外層夠晒脆，可惜裡面的蝦膠無黎味道，而且係無彈性的
芒果糯米飯:我好耐都無食過喇，好想念泰國的出品，這碟真係好細好細碟，但賣相幾討好
等我挾開睇下先，咦！糯米的色澤很差，而且感受到糯米的硬度，似隔夜飯一樣，飯粒都幾乾！
不過個椰汁非常香濃，但芒果就好酸
青檸梳打水:有氣的水同青檸，所以係無咩味道的
沒有留言:
發佈留言