英利茶餐

早幾日舊同學約食飯，最後得五個出席，其中一個同學話有好介紹，講那店係無名的，另外買海鮮及煮法都由他包辦，我們只負責出錢就係，其中海鮮買了鮑魚X10、石斑魚、醃仔蟹X5、象拔蚌仔X5、元貝X5，在荃灣楊屋道街市相熟檔買的，價錢$1100蚊，另外食店海鮮加工費、啤酒幾支、可樂、飯，另加兩個菜，埋單$900蚊.


呢度係荃灣聯仁街街熟食市場地下，店名就英利茶餐，但唔知真定假喇，但都幾多小菜點的


當晚我們既菜單有蒜蓉粉絲蒸元貝、油鹽水勝瓜浸象拔蚌仔、豉椒炒聖子、薑蔥鮑魚煲、清蒸石斑魚、鹽焗醃仔蟹、韭菜豬紅、蒜蓉炒生菜等等

蒜蓉粉絲蒸元貝:蒸既時間剛剛好，元貝咬落好腍好鮮甜，好正

油鹽水勝瓜浸象拔蚌仔:象拔蚌仔一點都唔韌，勝瓜亦好甜，估唔到咁樣煮幾幾好味

豉椒炒聖子:聖子肉質好有彈性，炒既時間唔過火，我最鐘意係d豆豉唔會太濃味，唔錯


薑蔥鮑魚煲:鮑魚用薑蔥真係夠晒香又惹味，鮑魚一口咬落非常腍，而且我發覺這店調既味都會係偏淡一點的，更能食到海鮮既原味，我比較喜歡，而且海鮮火喉都處理得好好


韭菜豬紅:其實見到隔離檯點了，自已又想食，所以點黎試試，發覺味道又幾好喎

鹽焗醃仔蟹:我朋友話上次買既蟹係大隻好多，今次就變了醃仔蟹，膏亦唔算好多，但肉係幾甜的


清蒸石斑魚:石斑魚蒸到剛剛好離骨，肉都幾滑下，一d泥味都無，但反而我覺得個豉汁可再濃味返小小就更好，但整體都好滿意


蒜蓉炒生菜