2017年5日6夜福州、廈門休閒美食之遊-day4

今日就要回香港，所以決定在酒店食早餐，反正已包的



早餐都算多野食，俾我想象中好，最重要係有麵檔



米線^^



肉鬆白粥配油炸鬼

食飽後，休息一陣就坐公車去火車站



廈門火車站



過了安檢後，裡面等候大堂超多人




終於等到夠鐘上車




安全抵達深圳北，今次很順利完成廈門之旅，交通又方便，下次旅程再見^^

自家煮海鮮餐@22-9-17

好耐都未試過在家煮海鮮俾家人食了，剛好今日放假同家姐過黎食飯，所以飲完茶就去街市買海鮮



嘩！斑馬瀨尿蝦才$96蚊斤，家姐話好鬼平，所以買了兩隻大既，我就見到大約斤半重，但職員才收$100蚊，平均$50蚊隻超抵啦




元貝買了六隻，共$80蚊



其實貴妃蚌都抵食架，但家姐唔想食！



石蟹係我既最愛，買了三隻共$76蚊



還有北寄貝買了$40蚊，好大隻下



浸下鹽水吐下沙先



石蟹自由活動



元貝都要清洗下



睇下隻斑馬瀨尿蝦幾大隻^^



石蟹用花雕酒去蒸，加娃娃菜墊底吸味，點解喜歡石蟹？因為膏多、蟹肉夠爆、肉甜，真係好正架




元貝用陳皮蒜蓉粉絲蒸，啖啖肉又夠腍，用陳皮去蒸味道真係幾唔錯heehee



斑馬瀨尿蝦用花雕酒同蛋去蒸，瀨尿蝦好厚肉，勁鮮甜架




北寄貝用九層塔去炒，味道好夾的



d北寄貝係咪好厚肉呢？咬落會爆汁架，真係鮮甜到爆



淮山杞子螺頭雞湯，啊媽煲既，我煲就會加紅蘿蔔，甜好多的！

2017年6日5夜福州、廈門休閒美食之遊-day3(廈門編)

今早我們先到當地最有名既八市海鮮市場行下，順便要買些海鮮，再拿去加工，在酒店搭公車過黎都好方便，車程大概十幾分鐘就到







一入到市場就見到好靚既水蜜桃，顏色鮮艷又飽滿，7蚊一斤真吸引，我們最後都有買回去食，好甜又夠脆口































好多海鮮選擇，價錢亦唔貴








水果亦好多選擇





好多鯊魚仔！












這裡多數賣肉類的





呢檔水果再平些的，好多人幫襯



估唔到廈門既物價俾我想象中還要平



買完海鮮，我們去了這間尚好佳海鮮加工店，大概十一點就開門做生意



收費表

另外這店只幫客人加工食材，本身就沒食材賣的，真係連青菜都要自已買黎加工的！



紅燒海蝦:味道調得幾惹味，第一道菜已很滿意





大蜆:初初見到呢種蜆真係好大隻下，價錢又唔貴，問廚師點煮好，她話滾湯最好，果然啖湯好甜下，睇下塊蜆肉幾大，咬落又唔韌，唔錯




小海螺:呢種螺我好鐘意食架，螺頭又厚肉，肉質又鮮又彈性，超正



紅蟹:隻蟹大過我手掌架，價錢好實惠




哈哈哈，我唔客氣喇

加工費總共$75蚊，海鮮買了大概$150蚊，係咪幾抵呢？



食飽後，我們就出發去南普陀寺，遊客就唔算太多，但太陽就超猛！


































還可以行上山頂的，我就唔願行喇，咁熱





簡單地行了一圈就走



在門口好多賣雪條既人，我都整支消下暑



南普陀寺隔離就係廈門大學，入去參觀要用回鄉證登記的



大學地圖，聽聞廈門大學係全中國最靚既大學喎



















我就無行晒整個大學，都係隨便睇下就走！



大學裡面既大樹發現有松鼠

遊覽完大學，就在學校公巴站坐車去曾厝垵，不過好多遊客爭坐這車的，所以都要鬥快上車，因為無特別站口俾客人排隊架！



途經白城沙灘



落了車，行過天橋就係曾厝垵



我都係跟住人潮去行，其實裡面都係一條細巷仔，沿路行一個U形就出返外面



好多果汁賣，我都好口喝喇



特別係台灣芒果，真係好多個檔口



我們點了一杯柑桔檸檬同椰子布丁



柑桔檸檬:味道正正常常，天氣咁熱，特別想飲呢類飲品



椰子布丁:又整得幾唔錯喎，有椰香、又夠滑，最緊要係夠凍



上次我中了伏，所以見到都吸引唔到我














火參果我真係好想買黎試下架，事關我都係第一次見，唔知咩味道既呢？等下次有機會才試





我個人覺得曾厝垵真係可以唔去，因為裡面都係賣小食既多，無咩特色！



轉下眼我們就到達好德來薑母鴨店，咪睇這店好似好普通，但這店只專注做薑母鴨這一道菜，應該都唔會中伏掛？



價錢表



眼見既唔止這幾個煲，後面都還有很多個煲的



薑母鴨:黎這店幫襯既都主要係街坊多，所以提供堂食既地方好細，亦無白飯賣，最主要係我對薑真係好一般！相中係半隻份量



但我估唔到這味道係幾唔錯架，薑味唔重，鴨肉好嫩滑，而且好入味，亦唔會好咸，絕對值得一試



在好德來附近見到有間餅店



睇落去好似很老字號



老闆講全部係自家手工製造，亦介紹了幾種餅俾我，我其實係買黎做手信既，聽返朋友講係幾好味既，咁我都開心些



買完野，又搭車去食野，不過今次車程真係有點遠



呢間叫蓮花公園煎蟹總店，不過我地就無點到蟹黎食



好彩等一陣就有檯，坐低後就點了草根湯、炒米粉、蒜蓉炒通菜、沙蟲炒韭黃，埋單$146蚊



草根湯:其實我最主要係黎飲這湯，因為好消暑下火的，雖然係細細煲，但起碼每入飲到五至六碗架，味道好清，好夠火候



蒜蓉炒通菜:因我忘了叫小油，但好彩見到油唔太多



沙蟲炒韭黃:沙蟲幾大條下，味道好甜好甜，而且還好脆口，配埋韭黃真係好夾



炒米粉:這米粉係我一定要點的，因為我媽好鐘意炒米粉，而且這店係有水準既，其實我本身係想點海鮮炒米粉的，不過一時大意同職員就咁點炒米粉！



單據

食飽後就回酒店休息