越華會海鮮小館

今晚行完灣仔個美食展後就一行五人去了越華會海鮮小館食晚飯，但大家如果想幫襯記得記得要打電話去訂位的，因為間店唔算好大的，我們坐低就點了花膠嚮螺燉雞湯、黃金炸豆腐、魚湯浸大蜆、豉椒炒聖子、什果蝦多士、招牌沙拉骨、鮮奶蛋白炒涼瓜、蔥油走地雞，埋單$703蚊.

花膠嚮螺燉雞湯:估唔到個湯既材料係咁有份量的，價錢只不過係$98蚊炸，花膠好大朵，個湯好甜呢，heehee

豉椒炒聖子:雖然聖子比較細隻，但都一樣炒得好出色，又唔會炒到過晒火

魚湯浸大蜆:呢個湯比較重胡椒味，但一樣咁鮮甜呢

黃金炸豆腐:咬第一啖即刻嘩!了一聲，點可能炸得咁好架？豆腐滑到不得了，但外面又好脆，脆得黎又鬆化，無得頂啊

蔥油走地雞:比較一般左些，雖然係滑，但有些位置明顯唔夠熟

什果蝦多士:炸得非常非常之鬆化，加上d蝦肉還是好嫩的又有口感，好野好野

招牌沙拉骨:個醬汁好好好味啊))))))，濃得黎又唔會覺得咸，配上沙律醬真係一絕，排骨好腍好腍

鮮奶蛋白炒涼瓜:呢道菜味道比較淡的，但蛋白炒得好滑唔會老，個廚師功夫有返咁上下