Tripel-o's漢堡包店

昨日無意中在香港討論區裡面見到d網友討論呢間漢堡包店，講到好鬼正又話d肉好juicy，所以今晚懷著極大的期望 去試試，我們幫襯尖沙咀海港城的分店，我自己就點了個原味漢堡包套餐加朱古力奶昔，老婆就點了蘑菇漢堡包套餐飲藍草莓奶昔，當我打開個包裝紙後見到個賣相 好一般，但都對它充滿幻想，第一口咬落去了幾下就發覺無咩味道，再試第二口、第三口越食越把鬼，個漢堡扒冇肉味、冇肉汁、d肉鞋鞋地，如果硬要講話 juicy的話，我諗你們食錯了，那些衹不過係個包滴出來的醬汁而不是肉汁，食完個包都唔知自已到底食緊d乜？老婆那個蘑菇漢堡包起碼那些醬汁比較濃都過 得去，奶昔好飲，但如果用56蚊食埋些咁既垃圾的話，我情願食老麥好過啦。