老四火鍋小廚(PART2)

今晚同外母補祝生日，老婆就提意不如去老四火鍋小廚食，因為果晚她睇完我影的相就好想去試試，今次我就醒目喇，去了 楊屋道街市買了二斤花甲$40蚊、一斤海蝦$46蚊，之後就食去老四火鍋小廚再加工，我們四個人點了生啫芥蘭菜、花雕酒浸花甲、豉椒炒花甲、蒜蓉蒸海蝦、 鍋貼小棠菜、白切雞、雞湯浸什菜、胡椒豬肚湯，埋單$328蚊，未計自已買料的.

生啫芥蘭菜:估唔到呢個煲係啫得咁好味的，衰在d芥蘭唔夠甜，但d肉鬆拿來撈飯簡直一流，不過我都食左兩碗飯呢

白切雞:聽老闆講係深圳雞，又滑又有雞味

花雕酒浸花甲:我本身就唔飲酒既，但用花雕酒黎煮菜我就唔會抗拒的，其實花雕既酒香加上花甲的鮮甜真係幾夾的，可惜他們落得幾重手，酒味好濃啊......

豉椒炒花甲:花甲依然炒得好好，但今次的洋蔥炒得生左d，所以有點辣

胡椒豬肚湯:材料好足、胡椒味濃，特別係d咸酸菜好爽口，正啊

鍋貼小棠菜:老婆話明記好食d喎

蒜蓉蒸海蝦:新鮮游水海蝦好鮮甜

雞湯浸什菜:這個係送的，普普通通