合興火鍋

今晚一行六人去了佐敦間合興火鍋打邊爐，我們點了招牌湯底及秘製沙爹湯底、牛柳粒、超頂級手切肥牛、頂級手切肥牛、炸魚皮、金姑牛肉餃X2、韭菜餃、魚皮餃拼水餃、吊片、豆卜讓墨魚、桂花蚌、墨魚丸、蝦丸X3、白蘿蔔X2、烏冬、油墨菜、唐生菜，埋單$1775蚊。

先 講下個招牌湯底，裡面有紅羅白+粟米+馬碲夠晒清甜，秘製沙爹湯底非一般的沙爹咁濃味，牛柳粒夠晒雪花同有咬口，超頂級手切肥牛係好濃牛味，油份分佈得好 平均真係越食越感動啊，頂級手切肥牛雖然係次一級的，明顯油份係少d但同埋重牛味、唔韌、有點咬口都係好好味的，韭菜餃入面加了蝦米粒，所以食起黎特別野 味，蝦丸係超級推薦的，d蝦丸係用新鮮蝦打的，夠晒足料、超彈牙、所以點了三碟，總括所有食物都係好新鮮，上菜很快，職員服務態度很好，個啊姐會提點我們 d食物要滾幾耐先食得，有講有笑，雖然感覺貴左些，但食物很足料食得很開心的，下次一定會再黎幫襯。