元朗蛇王如(蛇宴)

今晚一行十三人去了元朗蛇王如食蛇宴，分別有十道菜，太史五蛇羹、椒鹽五蛇碌、七彩炒龍衣、爽滑炒蛇肚、酸辣松鼠魚、支竹蛇腩煲、黃油雞、灼菜心、臘味糯米飯、珍品佛跳牆.

首 先講個蛇羹，依舊很濃的湯底加上大大條的蛇肉，如果加少許蛇酒就更能帶出個蛇羹的味道，椒鹽五蛇碌很野味，最喜歡它的椒鹽味道，剛剛好又不會太過火，七彩 炒龍衣睇落去好似有三種蛇皮的，有種係好彈牙的，另外兩種就比較軟的，爽滑炒蛇肚很爽口彈牙，酸辣松鼠魚賣相係很好的，但個汁就好唔掂，酸到簡直難以入 口，扣晒分，但條魚就炸得好香口的，支竹蛇腩煲煮得好入味好軟身，黃油雞唔算肥，都有些雞味，但明顯係冰鮮的，灼菜心就好甜但油多左些，臘味糯米飯幾好 味，唔夠可再添食的，全晚最期待的珍品佛跳牆終於出場喇，一打開即時被那些很足料的湯渣同葯材吸引到，加上係燉湯，所以湯水很清甜，飲完覺得很滿足一D都 冇失望，還有一支五蛇胆葯酒送，初時以為好難飲架，但飲落都唔係好重酒味，埋單三千一蚊圍簡直值回票價啦hahaha