GODIVA朱古力店

今日同老婆去左旺角朗豪坊地下間GODIVA朱古力店買飲品，因為渣打銀行有個買一享二優惠，加$一蚊就多一杯，我們揀了黑朱古力及紅莓純朱古力，原價要$42蚊杯的，現在$43就有兩杯幾抵飲。

轉頭過多一星期我們又忍唔住試埋另外果兩種味道，就係薄荷朱古力及牛奶朱古力。

紅莓純朱古力:有濃濃既朱古力味加埋紅莓，所以味道都幾得意，d女性一定會喜歡。

原味黑朱古力:初時以為黑朱古力會比較苦，但實際一d都唔苦架，喜歡食朱古力的我一飲就覺得好有驚喜，好濃既朱古力味，裡面又有朱古力碎，飲落又有些咬口，一個字黎形容"正"啊。

薄荷朱古力好清新的味道，特別係天氣熱辣辣既時候飲就更加正。

牛奶朱古力係特別滑些，味道同黑朱古力差唔多。