佐敦彩福酒樓

今晚係平安夜，我們一行十人去了佐孰彩福酒樓食晚飯，上到去得果幾圍桌有人食緊，但個場真的幾靚，我們點了八味豆腐 (小食)、脆皮燒腩仔(小食)、鹵水掌翼(小食)、濃湯雞煲翅(4-6)人位用、金牌燒雞(半隻)、安格斯蒜片牛柳粒、京式片皮鴨、涼瓜炒鴨肉(二食)、 銀紙銅盤煲(半隻)、生者風鱔煲、生汁鴛鴦蝦球、玉袍黃金肉、茶樹菰醬爆雪花片、大澳生菜煲、生炒臘味糯米飯、椰茸鴛鴦卷(甜品)，馬會員工有8折優惠或上網下載8折卷,埋單$1554蚊唔貴。

首 先講講個濃湯雞煲翅，個湯有成半隻雞在裡面，所以個湯很濃好味，d翅就一般啦，金牌燒雞個皮超薄同脆，少肥糕點埋南乳汁簡直一絕，京式片皮鴨就較失色，因 個師父好似唔係好識片，片得太深連d肉都被片得幾多下，太多鴨肉感覺唔太正，反而個涼瓜炒鴨肉好好味，銀紙銅盤煲好特別，加上大量的薑、蔥、焗住黎爆香， 可惜d雞係去了骨唔太喜歡，生汁鴛鴦蝦球唔夠彈牙，玉袍黃金肉係豬面青，d朋友話口感似炸大腸喎嘻嘻，生炒臘味糯米飯真的值得推薦，好香加上d糯米粒粒都 係分開的，臘肉的味道又凸出，正啊。

另外想贊一贊職員的服務態度，真係好好，可能個場少人，燈光又暗暗地見我不段影相，就話開些燈俾我果圍，然後又叫人加些幻彩效果，特別是白色燈那種真的好有聖誕感覺，又播埋聖誕的歌曲，所以呢餐食得好滿意。