蛇王濤

食完車品品後就行去蛇王濤食蛇羹，點知鬼咁多人所以衹好買回家食啦，我地揀左$45的套餐有細蛇羹+糯米飯+蛇湯。

其實好耐前都食過蛇王濤，都知佢地既蛇羹同糯米飯係好好味的，蛇羹好足料啖啖蛇塊，味道係我食過覺得係最好的，糯米飯炒得夠淋身唔係硬果隻，味道不過不失啦，個蛇湯係奶白色的，但個胡椒味比較重，老婆話好好飲喎。