鼎泰豐

今日放工後一行四人去了尖沙咀新港中心3樓的鼎泰豐食晚飯，職員話限食一個半鐘時間入座計，因我地未齊人所以祇好等 下，我們在等朋友時已開始點定想食既野，之後入座就交埋張落單紙，我們點了紹興醉雞、油豆腐粉絲湯、蟹粉小籠包、排骨蛋炒飯、原盎牛肉燉湯麵、原盎燉雞湯 麵、紅燒牛肉麵X2、埋單$530蚊。

首先講講個紹興醉雞，隻雞唔夠滑之餘酒味都唔夠香濃，有點失望，油豆腐粉絲湯味道好清，係比較淡 的，但豆腐皮幾香，個湯我喜歡落些醋落去，味道即刻唔同晒，蟹粉小籠包我就覺得好香，祇係覺得裡面d湯汁唔夠多，皮亦夠薄同唔易爛，但老婆就話d蟹粉唔夠 多，因在台灣總店食時，小籠包裡面好明顯好多黃色既蟹粉汁，同埋唔知係咪大閘蟹唔係當做啦，但整體都可以既，排骨蛋炒飯係我覺得最有驚喜的，d排骨份量夠 及好入味，同埋肉質又唔(鞋)喎，原盎牛肉燉湯麵，d湯好清肉質係牛展黎，雖然肉質夠淋，但無乜牛肉味囉，原盎燉雞湯麵湯就ok，但d雞肉唔可以食囉超級 (鞋)，鐘意要介紹我最愛既紅燒牛肉麵喇，可惜我最愛的係台灣總店那店，香港這間的牛肉麵完全係兩回事，第一:湯底牛味唔夠濃，味道亦唔係台灣果種，第 二:湯底唔應該有辣椒油的，第三:牛肉有些係好(鞋)有些就好(淋)，但都夠入味既，但職員服務就真的很好，環境又舒適，但我食完這餐後覺得價錢同食物質 素唔係成正比囉。