大家樂-一哥私房火鍋穀飼肥牛

今晚同樣無人煮飯，因啊媽去啊姨家住兩晚，所以我們決定去大家樂試下一哥私房火鍋，由於我們8點半後先去，所以每個鍋都減了幾蚊，我就點了穀飼肥牛鍋，老婆就點了醉雞鍋，加十蚊就有兩杯凍檸檳真勁抵，埋單106蚊.

首先講講個穀飼肥牛火煱材料十分豐富，有兩層三格，包括雪花肥牛、鮮蝦滑手打肉丸、脆皮腸、枝竹、豆腐，魷魚、冬菇、金菇、菜及麵線..醉雞鍋只係牛肉質素唔同及無手打肉丸、魷魚的分別，個肥牛好香牛味，另外特別要講下個蝦滑，一睇就知係用海蝦打的，很鮮甜同彈牙，這個鍋真係令我喜出望外啊。