燒魂一

今晚一行七人去左尖沙咀既燒魂一食日式燒烤，見到晚上八點時段已爆，好彩早一日訂定位，因為個場唔係好大的關系，我 們夠鐘入到去，d檯上已準備好晒d拼盤，拼盤的食物都好新鮮，質素可接受，可樂講就每人兩罐，但當晚我們飲了好多都無話要收錢的，職員服務態度亦好好，埋 單$218蚊未加一，因為呢餐係朋友請的.

不過我要講講以下某些缺點:

第一:講就話限食2.5小時，但當你食完第一個小時後就要你落最後訂單，我昨晚大概9點45分要落最後訂單，雖然都食得飽，但感覺很趕時間，可能因為他們晚上都有三個時段的關系啦.

第二:坐位真係幾迫下，我還有個朋友竟然要坐在走廊.

第三:扇貝及蠔其實係任點任食的，但因為貨源問題，所以好缺貨，遲些就會提供正常喎，但他們無主動講給客人知道，我見有些人拼盤裡面有扇貝，所以我咪問囉，無理由人地有我就無嘛，之後個經理先講返個問題，真係唔多開心.

第四:漏單情況都幾嚴重下，經常落了單都無送到黎，但開聲問職員先知某些食物又係已經供應完,唉......

第五:人手好唔夠，睇見d職員真係走黎走去未停過......
第六:個爐既火好唔平均，時大時細，又有時d火偏埋一邊

肉類拼盤:牛肉及牛舌都好味，有牛味又唔會韌，咁當然唔可能同盛八黎比較啦，價錢差很遠呢......

海鮮拼盤:好新鮮

刺身幾新鮮

雞腎

蠔:大部份都係瘦的，但蠔味十足同夠新鮮

虎蝦:大部份都好大隻，有些好新鮮、有小部份就唔新鮮，但都食得好滿足

蛤蜊:好新鮮，呢晚食了好多好多，肉甜之餘還有海水味

海膽壽司:雖然唔係靚貨，但起碼唔會苦的

軟殼蟹手卷:軟殼蟹少得可憐

壽司拼盤:最衰係壽司唔夠凍，紫菜都已經變腍晒，食起黎暖暖的感覺唔多好

豬肉腸:豬肉味好濃，肉汁亦好多

牛肚、大腸:一般

天婦羅:d粉太厚，蝦又細

帶子、茄子天婦羅:帶子有點粉粉地，茄子就ok

牛油栗米:無試到

炒菜:呢個炒得好味

醬汁炒尤魚:味道幾好，尤魚唔韌

栗米、菠蘿:無試

冷烏冬:勁難食