上海婆婆

今晚一行四人去了荃灣新天地廣場裡面的上海婆婆食晚飯，我們六點去到等到六點九先有位，我們坐低就點了雪菜炒粉皮、松子桂花魚、砂鍋雲吞雞、手切京蔥牛肉包、婆婆粒粒炒飯、醬燒茄子、清庭炒拉麵、大滷麵，埋單504蚊，雖然唔算話有驚喜，但整體還可以啦。
首先講講個雪菜炒粉皮，粉皮個口感很滑很爽口架，松子桂花魚的汁做得唔錯，只是我覺得條魚炸得唔夠脆，手切京蔥牛肉 包個皮好脆好鬆化，裡面的肉汁同醬汁混合後特別美味，砂鍋雲吞雞就真係做得好差喇，雞湯好淡冇乜雞味，很失望，婆婆粒粒炒飯雖然炒得唔錯，但如果d飯吸多 些臘腸味既話就更加完美喇，醬燒茄子的汁很正，唔會太鹹剛剛到位，茄子食得出很鮮甜，清庭炒拉麵的麵係即時人手拉的，所以d麵特別有彈性，大滷麵就真係估 它唔到，黎到桌上個個都以為黎錯左，還以為係滷水汁添hahahaaa，原來似煨麵，d汁好杰架同埋好淡淡味的，所以最後想出加入些醬燒茄子的汁撈埋一齊 食，效果幾好架，呢餐食得好飽，所以連甜品都唔敢叫喇。