老三火鍋

今晚一行四人去左深水堡老三火鍋食晚飯，我們點了招牌鴨湯底、黑豚肉、安格斯肥牛、手切肥牛、田雞、蝦滑拼墨魚滑、烏魚扣拼蝦丸、醉雞丸、招牌餃、白蘿蔔、雜菜藍、稻庭麵、烏冬，埋單$780蚊。

其實呢間火鍋店係幾細心架，時不時會幫我們整走湯面頭的雜質，同埋有好多牛既唔同部位的內臟食。

鴨湯底:有成半隻鴨在裡面，個職員叫我地先一人飲一碗湯先，啖湯好濃好有鴨味同有少許藥材味，同埋這裡係加湯而唔係加水的。

安格斯肥牛:牛肉都夠雪花亦夠香，牛味就差少少，但都幾大碟

手切肥牛:牛肉新鮮到不得了，好重牛味，初時還擔心會韌，點知原來都好(淋)架

黑豚肉:有豬味又唔韌

田雞:田雞新鮮到上枱時隻大脾還在振動架，係即點即割的

蝦滑拼墨魚滑:無乜特別

醉雞丸:呢個雞丸味道幾唔錯架，中問係空心既，釀左d酒落去，所以特別香，但食時要特別小心

烏魚扣拼蝦丸:烏魚扣好爽口，蝦丸好普通

招牌餃:餃子細細粒，裡面好多木耳，所以口感特別好

烏冬:烏冬好滑好好味，一定唔似平價貨

稻庭麵:麵比較幼，但就很好味

雜菜藍:幾種唔同的菜，夠晒新鮮