板長壽司

今晚同老婆在又一城食晚飯，老婆話突然想食壽司，所以就選擇去板前壽司，點知八點鐘都重排晒長龍，等了大半個鐘先有 位炸，早知道就落旺角峰壽司食好過，我們坐低就點了三文魚醬油漬壽司、爪貝壽司X2、珍寶帆立貝壽司、吞拿魚腩-肥美少根壽司一件、魚背壽司、金三文魚腩 壽司、板前蝦壽司、蟹棒壽司、蔥粒吞拿魚腩軍艦、芥末墨魚壽司、油甘魚腩壽司、安康魚肝軍艦、北寄貝壽司、嚮螺壽司、特上海鰻壽司，埋單$365蚊。

三文魚醬油漬壽司:我覺得味道好似鰻魚......

爪貝壽司:雖然唔知係乜東東，但就非常爽脆

珍寶帆立貝壽司:黎得板前呢個珍寶帆立貝我係必點的，非常厚肉鮮甜

吞拿魚腩-肥美少根壽司:賣相及顏色一般般，但都有入口即溶的感覺及無渣，但唔夠香囉

魚背壽司:呢個魚背食起來特別重油香

金三文魚腩壽司:我無食到，因為唔喜歡食的

板前蝦壽司:唔掂，咬落去隻蝦好似溶解緊一樣，又唔夠凍喎

蟹棒壽司:又長又厚肉，咬落啖啖肉的感覺係最好的

蔥粒吞拿魚腩軍艦:我覺得呢個軍艦好食過峰壽司，因為峰壽司偏咸左dd，但呢個就完全食得到魚腩既香，但當然唔係好濃油香味果種啦

芥末墨魚壽司:唔知點解特別韌，係我食過最難接受的，雖然好新鮮，但我唔鐘意果些芝麻搶晒d味，同埋味道唔夠刺激......

油甘魚腩壽司:我的最愛之一，油份夠晒重又肥美，入口甘香

安康魚肝軍艦:無乜特別，唔識形容個味道，因為唔係我想點的那款......一句講晒點錯野

北寄貝壽司:呢度的北寄貝係特別大隻又厚肉，味道又鮮甜

嚮螺壽司:雖然夠爽脆又夠凍，但唔知點解咬咬下有點苦

特上海鰻壽司:賣相夠吸引又鬼咁長，點知被騙了，d肉唔新鮮......霉霉地