嘉樂冰廳 (PART2)

今日下午一行四人去了荃灣嘉樂冰廳食野，自從上次食完後就一路都想再試，我們點了滷水雞翼、炸雲吞、鮮油多士、火腿雞絲通粉、火腿奄列(細)、蛋牛治、鹵水豆腐、凍唂咕、熱杏霜、阿華田奶昔，埋單$149蚊。

先 講講個火腿奄列(細)，雖然係叫細的但個份量都已經好嚇人，d蛋好滑好甜火腿亦好味，炸雲吞夠脆夠鮮味，滷水雞翼好入味好滑，鹵水豆腐同樣好入味配埋辣椒 醬簡直一流，蛋牛治同樣份量大同鮮牛好滑好(淋)，我杯凍唂咕超濃味好感動啊，阿華田奶昔同樣很濃味，呢餐個個都食得好飽，這個價錢這個份量成正比。