滇家菜

今晚二個人去了沙田連城廣場1樓連城美食坊食晚飯，其實以前想試好耐，但一路都未有勇氣去試，今晚老婆突然話試試呢 間喎，首先要講講這裡的職員服務態度真係幾好，有禮貌、熱誠，我們拿住三袋野，個職員話先幫我們收好先，等食完飯先再拎返，我們點了雲南氣鍋雞(大)、玉 溪糖醋骨、涼拌茄子、上湯小鍋米線、土雞泡飯、埋單$259蚊.

雲南氣鍋雞(大):個湯初初飲覺得有點咸，但之後再飲就覺得好好味，我覺得呢個湯既味道好似嚮螺湯，烏雞燉到連d骨都腍晒，料又足

涼拌茄子:我覺得個醬汁好好味

玉溪糖醋骨:排骨就好腍，但d醋真係差左d，因為好鎮江醋淡好淡

土雞泡飯:個泡飯好有雞味，可能係d雞油既關系，湯都好飲，但隻雞好多好多細既碎骨在飯裡面，所以食時都要小心些，隻雞一定係冰鮮貨同埋骨架未夠日子的

上湯小鍋米線:個湯好鮮甜真係要讚一讚，裡面的酸菜好爽口，米線都幾煙韌，不過我一向都唔識欣賞米線的