金鳳大餐廳

今晚去了銅鑼灣接老婆放工，本來諗住去橋底辣蟹食晚餐的，但想一想得兩個人又食得唔多，所以放棄左，跟住見到對面有間金鳳 大餐廳，都有幾年無幫襯過了，所以費事再諗就入去食，我就揀了個雜扒餐，老婆就揀招牌牛柳餐，再加十蚊同十五蚊轉了龍蝦湯同酥皮周打魚湯，埋單143蚊。

首 先講下個龍蝦湯都幾淡下，無咩龍蝦味，反而個酥皮周打魚湯好足料幾好味，我個雜扒餐有豬扒、牛扒、香腸、火腿扒加燒汁，個豬扒幾好味唔鞋亦有肉味，牛扒 (淋)得黎有彈性，可能有些筋的關系，但就無牛味，最衰就係個燒汁好鬼鹹，同埋唔知那一樣食物有加到味精，因食完後隔一陣就超口渴，老婆塊牛柳好夠肉味亦 夠(淋)，但可惜口感似蔗渣，唔係好好，所以決定唔會再幫襯。