春夏秋冬食館

今晚一行七人去了旺角太子道西間春夏秋冬食館打邊爐，我們點了麻辣鍋同醉雞鍋，配料就點了手切肥牛、西冷牛X2、帶 子、鮑魚仔、桂花蚌、炸魚肚、墨魚滑、墨魚丸、蝦丸、蟹子丸、海蝦、魚腐、菜肉餃、鵝腸、白蘿蔔X3、紹菜、生菜X2、烏冬、啤酒及汽水埋單$1400 蚊，都算幾抵食。

首先講講個麻辣鍋，辣而不麻亦唔夠香，但對我們黎講都可收貨，醉雞鍋幾香還有半隻冰雞，但隻雞都好滑，帶子本來話幫我們 片開的，後來無片到所以都幾韌但好新鮮，鮑魚仔反而就好正唔韌，桂花蚌同樣新鮮彈牙，手切肥牛有少許韌同埋唔夠牛味，西冷牛就真係無得頂，有肉味又香超 正，炸魚肚煲極都好硬簡直食唔到，墨魚滑雖然唔彈牙，但都可接受同埋份量幾大，墨魚丸同菜肉餃都雪到硬晒唔掂，蝦丸、鵝腸、魚腐一般姐，蟹子丸裡面的蟹子 填到滿一滿很好食，海蝦超甜及彈牙，白蘿蔔同烏冬浸係麻辣鍋裡面滾索晒d湯真係好正，呢餐食得好飽好滿足。