森記海鮮大牌檔

今晚同老婆去了觀塘間森記海鮮大牌檔食晚飯，本來對這間店都有些期望的，點知係超級失望而回，我們兩個人點了豉椒味菜炒鵝 腸、豉椒炒蜆、森記小炒王、椒鹽魷魚、啫啫豬潤田雞煲，埋單$208蚊，但要投訴一下這間店的上菜速度真係勁慢，由落單到上齊全部菜都要成四十五分鐘，但 有一個哥哥仔伙記的服務態度真係好好，但唔會再黎幫襯喇。

豉椒味菜炒鵝腸:鵝腸都幾爽口，但味道就好咸

豉椒炒蜆:份量夠晒多，只係蜆現在不是時令，所以比較瘦，好彩就無乜沙，同埋我唔喜歡他們唔係炒的，係灼完都倒個汁上去就算，

森記小炒王:真係完全對唔住個名啊，什麼小炒王？蝦干硬到死，腰果就腍到死，係d韭菜花可以食得下，但味道亦係偏咸囉

椒鹽魷魚:魷魚炸得比較韌，加上完全無椒鹽味啊，十個差啊

啫啫豬潤田雞煲:豬潤煮到過晒火，所以又硬又干，田雞就都算滑既，但都係有點咸囉，唉......