日式(定食 doraya )店

今日和老婆去尖沙咀行街街，個腦就正煩惱著晚餐食乜好既時候，我們在金馬倫道見到間叫(定食)的魚生飯食店，間店還 講明推薦食藍鰭吞拿魚腩蓉飯，你知啦吞拿魚最高級的就是藍鰭又有海中藍寶石之稱，我們就即刻落去試試啦，老婆點了必食推介(香蔥伴藍鰭吞拿魚腩蓉飯定 食)78蚊,我就點了(特上藍鰭吞拿魚腩壽司飯定食)198蚊，還有和風酸汁藍鰭吞拿魚片58蚊、香蔥烏冬38蚊，首先試試個藍鰭吞拿魚腩蓉飯入口唔係好 香，但那些魚腩都很大餅都過得去，然後就係特上藍鰭吞拿魚腩飯唔洗講就睇睇它的粉紅色澤就知係靚野同埋足足有10塊魚腩咁多，第一塊魚腩放在口裡即刻有股 香濃的魚腩味即刻溶在口裡沒有筋，即時令我們回憶起大阪食魚生飯的情形，大家一定覺得198蚊一碗魚腩飯很貴，但細心想想一塊特上的吞拿魚腩都要48蚊 啦，何況它是藍鰭的品種真是很抵極新鮮，那種香味的油份停留在口裡很久都未散啊，個飯係選用高級的日本新潟米好鬼認真和好食，個蜆湯係可加十蚊就有，我未 試過一碗蜆湯係有12隻蜆肉咁鬼多的又肥又無沙真一流啊,另外那個烏冬同和風酸汁藍鰭吞拿魚片就不過不失啦，呢餐雖然埋單432蚊，但都值得的，特上藍鰭 吞拿魚腩壽司飯超級推薦啊
營業時間:12:00至3:00、6:00至零晨12:00
地址: 尖沙咀 金馬倫道10號宏威大廈地庫
電話: 23668072