黃金海岸酒店自助餐

昨晚一行七人去了黃金海岸酒店食自助餐，因之前見到網友介紹，佢地講到好似幾抵食，首先如果在星期一至四食的話，身 份證有一、三、九任何一個數字就有六五折，五、六、日就只有七五折，但匯豐卡就有七折，所以昨晚是用匯豐卡埋單，每位二百七十八蚊，因為我們係坐園景加上 天氣又唔熱，現場又有人唱歌助慶，所以氣氛唔錯，現場一眼望落去都幾多野食，露天燒烤區有職員燒些唔同的肉類、瓜類、魚類，中間的美食庭就有粥類、天婦 羅、菜類、扒類，還有原隻烤羊，羊肉好食但個汁好鬼鹹，室內冷盤多，甜品選擇亦多，但可惜甜品係最難食的，個甜品師父可以炒得喇，連對食最無要求的表妹都 話好唔掂，所以真的食唔落浪費晒，但雪條雪糕就有很多選擇，補貨亦好快，個龍蝦仔很好味、其他蝦就唔掂，果些肉係霉的，生果類都幾好，所以唔怕遠的都可試 一次既，真的一次就夠了。嘻嘻