魚尾獅食店

今晚同老婆在沙田新城市廣場地下間魚尾獅食晚飯，呢間店係主打星馬菜的，打開菜譜發覺唔係好多選擇，我們點了一個 148的二人套餐A裡面有馬拉盞炒通菜、海南雞(例牌)、魚尾獅豬肉湯米粉,另外再點了班蘭加央多士、咖喱豬扒焗飯，另外還有兩杯可樂送或加10蚊轉其它 飲料，首先講講個米粉個湯底好正，係喇唦做得好出色，個加央多士一般唔夠味，個咖喱d飯太乾d咖喱唔夠多，所以覺得唔夠咖喱味，雖然係咁但食得出d咖喱係 好香，另外要讚下他們的豬扒很好味又不會(鞋)同乾，海南雞不過不失都算ok,個馬拉盞炒通菜真的唔多掂一d馬拉盞的味道都無，重鬼死咁多油添，埋單 270蚊。