越華會海鮮小館(PART3)

今晚有個好重要既飯局，因為上海的朋友一家人黎香港旅行，所以選了在銅鑼灣 的越華會海鮮小館，金山就安排在明晚，越華會亦係比較穩陣的小館，之前幫襯過幾次都ok，我們六個人點了花膠嚮螺燉雞湯、黃金炸豆腐、蒜蓉蒸海蝦、蒜蓉蒸 聖子皇、避風塘炒蟹、招牌沙拉骨、瑤柱扒豆苗、豉油皇炒麵，埋單$1262.

這張相係上次影的，因今次唔記得影個門口！嘻嘻

花膠嚮螺燉雞湯:這個燉湯我覺得係非常抵飲的，材料又足、湯頭很甜啊

黃金炸豆腐:這個豆腐係必食的，外層又薄又脆，裡面又超級滑，不過要食得小心，因為即點即炸好鬼熱辣辣的

蒜蓉蒸海蝦:海蝦唔算大隻，但勝在夠新鮮，d肉質有彈性

蒜蓉蒸聖子皇:呢隻真係稱得上係聖子皇，比平時的聖子皇更大隻更厚肉，肉質又鮮又爽脆，簡直無得頂啊

避風塘炒蟹:食過避風塘炒蟹，都應該知道隻蟹係幾咁大隻，所以特別好肉地，果些炸蒜都ok，不過我覺得辣左少少(已經叫小辣)，不過很野味招牌沙拉骨:味道煮得很好，肉質亦無煮得太過火

瑤柱扒豆苗:我很喜歡這裡的瑤柱扒豆苗，因為瑤柱又多又厚，最重要係味道濃得黎唔會太咸，正啊

豉油皇炒麵:這個麵反而炒得很一般，炒到黐埋一舊舊，得個樣又唔夠香