在門口有播放有關鼎泰豐的管理及對食物的要求,但他又知否現在很多地方制造出黎的食物質素都很差?除了台灣店例外,所以不停擴張分店,唔代表留得住客人個心,上得黎食,就係因為這店名氣大及對你的質素有信心,可惜你們收的價錢同質素成反比囉!
我們睇完餐牌後就點了上海燻魚、台式酸辣湯、紅燒牛肉麵、紹興醉雞、菜肉餛飩湯、蟹粉小籠包,埋單$380.6蚊
上海燻魚:呢條魚係凍食的,味道帶點甜,雖然細細條,但其實都幾多細魚骨,所以食起黎都幾麻煩,加上近肚位都有點腥
台式酸辣湯:只能俾它僅僅合格,味道酸、辣都唔太重,不過料就幾足,可惜無豬紅及豬皮
紅燒牛肉麵:牛筋及牛腩非常腍,而且膠質好重,極之有黏性,但湯底就較弱
菜肉餛飩湯:睇落菜肉份量都唔少,但可惜材料既味道都好淡
蟹粉小籠包:這個小籠包係鼎泰豐的名物,但真係令我極之失望,因為完全失去鮮味都算,還有小許覺得腥,到底咩原因會退步得咁多?我諗唔會再黎這店幫襯囉
紹興醉雞;酒味唔算濃的醉雞,加上係用冰鮮雞,所以對肉質都唔可以要求太高
沒有留言:
發佈留言