韓之美食

前日同老婆去了元朗食午餐，突然想食韓國野，所以就去了韓之美食這餐廳，餐廳裡面無乜裝修及坐位都幾窄下，特別係午 飯時超級多學生黎幫襯，就好似今日咁，除了我們兩個人及一個家長外，其餘全部係學生，另外老闆娘把口都未停過的，周圍撩人傾計及介紹有乜好食，之後我們點 了炒年糕、韓國撈飯、雞蛋卷，埋單$96蚊.

餐牌:呢度的人參雞原來要早一日訂架......

韓國茶都幾好飲架

麵豉海帶湯:海帶味唔算濃，一般

炒年糕:年糕極之煙韌，另外還有魚片，加埋芝麻及醬汁的配合，好味

韓國撈飯:飯底有芝麻及豉油

另選五款配料:我們選擇泡菜、大豆芽菜、蘿蔔片、生魷魚、海草莖

然後就不停又撈又攪

好好味的韓國撈飯就完成了，其實那些涼拌都有些辣的，加上海草莖的爽脆，令到個撈飯特別有活力

雞蛋卷:蛋卷就不過不失啦，蛋味都濃既

入口還有糖可以自取的哈哈哈