天鴻燒鵝

前日同老婆又去了元朗食午餐，今日終於都有心情去幫襯天鴻燒鵝，因為可能自已食過比較高質素的燒鵝(內地)，所以香港果些都係麻麻地，我們點了燒鵝飯、叉油雞飯、眉豆花生雞腳湯，埋單$6X蚊.

叉油雞飯:老婆點的，賣相唔錯、份量適中

油雞:皮薄、肉質很嫩滑、有雞味，水準唔錯

叉燒:半肥瘦的叉燒特別好味，不過就唔算突出

燒鵝飯:老闆真係幾豪爽啊，俾成隻鵝翼我，真的很感動呢！

剛剛燒起的鵝，肉質係特別香，皮亦特別脆

其實天鴻的燒鵝水準真係幾高，點解我會咁講？因為他們用的炭比較普通，如果用荔枝木黎燒的話，味道的層次完全兩回事的，所以這個價錢能食到咁既質素，真的很抵啊.

眉豆花生雞腳湯:幾蚊能飲到大大碗的老火湯，絕無味精的，味道又非常濃，睇下幾多材料，這啖湯能飲得出他們的良心及誠意，謝謝