龍鳳廚坊

早排一行七人去了太子龍鳳廚坊食晚飯，不過記得要早些訂檯啊，我們點了青欖豬肺湯X2、脆瓜生腸、碌鵝、賽香肉、薑 蔥爆魚卜、原汁原味西洋菜、沙窩芥蘭、野味0者通菜、普寧鹽水豆腐、香煎金錢鱔、鮮茄九肚魚烙、拆蝦水瓜烙、潮式炒麵線、荷葉飯、老兄芋頭烙、蛋白杏仁茶 X5、清香綠茶糕X2，埋單$1269蚊.

脆瓜生腸:呢個係這裡的招牌菜之一，麻油很香濃、生腸夠脆又夠凍，好味

青欖豬肺湯:材料睇落都唔少，但只可以話不過不失，因為完全飲唔出有青欖味

碌鵝:呢個又係招牌菜之一，話把隻鵝不停地邊碌邊上以汁，不過出黎的真係很普通囉，味道普通、賣相一般、肉質有點實、名過於實了

賽香肉:原本這道菜係用狗肉煮的，但香港禁止食狗肉的，所以用豬腿的部份黎代替，賣相真係幾似架，味道亦唔錯，起碼唔會感覺咸

薑蔥爆魚卜:呢個魚卜一定要熱辣辣咁食，凍了就會有點腥，魚卜的份量都唔少的

普寧鹽水豆腐:呢個豆腐有些朋友話無乜特別，但我就極喜歡，因為豆味超級的濃，加上又炸得很脆

野味0者通菜:味道就很好好，不過通菜老了些，可能未到季節啦

沙窩芥蘭:這個沙窩係超級的熱，職員叫我們小心些，睇住職員放些食材落去搞幾下就食得

原汁原味西洋菜:無特別

香煎金錢鱔:鱔有點泥味，所以試了一小口就停了

鮮茄九肚魚烙

拆蝦水瓜烙:其實都無乜特別，可能唔識欣賞啦，感覺似食天婦羅多些哈哈哈

荷葉飯:這個飯睇落很吸引啊，可惜荷葉的香味很淡，真係有點失望，如果當炒飯食係ok的

潮式炒麵線:似米粉多些囉

老兄芋頭烙:無乜味道，煎得有點過火及較硬囉

清香綠茶糕:綠茶味很突出，糕身夠結實唔易散

蛋白杏仁茶:如果喜歡杏仁的話一定實鐘意的，因為杏仁味很香濃，飲落又夠滑，可惜我麻麻地果陣味

單據