今晚我們一行十一人去了屏山食九大簋盆菜，因為十月份有兩位好朋友生日，所以在幾星期前就訂定檯，祝啊彬及烏蠅生日快樂.
飯後一支煙，快活過神仙heehee
呢晚共有四檯客人
連碗既圖案都咁靚咁傳統
我們點了$1450既套餐，分別係小盆菜、燉陳皮鴨湯 、黃酒雞、梅子鴨、炸鮮門蟮魚、雞汁燴花菇、新鮮菠蘿紫薑、煎魚片、了酸豬手、雞鴨飯等等
燉陳皮鴨湯:每個人睇到個湯都(嘩)了一聲，因為很大盤架，加上湯既色澤很吸引呢
這湯真係夠的晒豪氣啊，竟用上整隻鴨，每人大概飲到成三碗架
湯頭味道真係幾陳皮，非常好飲
平時湯渣都不會點食的，但這鴨肉質都幾嫩架，唔錯
黃酒雞:這盆雞既份量都唔少架，雖然係用黃酒煮的，但酒味很淡的，味道亦較甜甜地的
隻雞應該幾大隻下的，但肉質都幾嫩滑，唔錯
梅子鴨:這盆菜既靈魂在於d梅子，因為梅子味道實在太開胃喇，相對地鴨就較為失色了點，但都唔錯既
煎魚片:估唔到這魚片既味係咁超超超超咸架，唔怪得每個人食完一片就停晒手啦，很唔掂！
炸鮮門蟮魚:外層炸得很鬆化啊，加上肉質係很嫩架，咬落又啖啖肉又無乜骨，同埋一點都唔腥架，可能係夠新鮮啦
雞汁燴花菇:這些花菇很大舊啊
唔止睇得，還可玩得
睇下幾咁厚肉，而且還有淡淡的雞汁味
新鮮菠蘿紫薑:紫薑係我最討厭的，但d人竟然邊食邊讚，又話無乜薑味，講講下竟得返些小
我咪即刻夾舊黎試下囉，點知就被騙了，d薑味係好濃架，你班正衰人黎架，但不得不讚紫薑竟能咁爽口的，而且配上很甜的菠蘿一齊食，效果又唔錯喎
了酸豬手:每件骨都好大舊啊，賣相很吸引
我最喜歡的部位，最正係d筋，但當影完相後，就要把筋的部位放入老婆既口裡，不過這豬手煮得真好，又腍又入味，加上醬汁酸酸地，所以一點都唔覺肥膩
黎個大合照先
小盆菜:其實都唔小的，裡面材料有五花腩、枝竹、豬皮、土魷魚、白蘿蔔等等，但強調味道一點都唔咸的
五花腩:肉質咬落有口感的，而且厚肉部位一點都唔粗糙架
土魷魚:我覺得可以再煮腍小小就更好，口感非常強
白蘿蔔:蘿蔔切得好大片，而且好甜好甜又無渣，好味啊
豬皮:完全入晒味，係咪好正呢？
雞鴨飯:飯炒得很花，老婆竟然主動話要多碗，真少見！
大合照
其餘三檯都食完走晒了，我們還在吹水聊天
很多明星都黎幫襯過
沒有留言:
發佈留言