富臨

昨晚同老婆兩個人去了銀座富臨食晚餐，因為這酒家新開張，人潮多到呢！我即刻去拿飛排隊啦，點知最後等了差唔多成個鐘先有位，因為1-2人檯好耐都未叫過，老婆覺得有問題，咪過去問下個職員囉，她就即刻按了兩張檯，我才入到去，原來1-2人檯同3-5人檯係一樣的，唔怪得要等咁耐啦！最後坐低就點了煲仔糯米飯、大閘蟹X2、木桶豉油雞，埋單$266蚊



煲仔糯米飯

大閘蟹:話有四兩二喎，老婆今年都未食過，見到$38隻都ok既

這個時候係食蟹公最肥美的

唔算很多膏，但味道幾香

食蟹公就係喜歡呢些軟糯口感的精子heehee

木桶豉油雞:這個雞肉質真係好好，又滑又扎實，豉油汁甜甜地，$58蚊的價錢超值啊

單據

明記潮州打冷

早幾日一行三人去了荃灣明記潮州打冷食晚餐，呢晚點了炸蠔餅、鹵水鵝片、韭菜豬紅、咸菜、炸鮮魷、大啤X4，埋單$475蚊


咸菜:夠晒凍，食落口都特別爽脆，正啊

炸鮮魷:這個粉薄就正常很多喇，唔錯

炸蠔餅:蠔餅比較薄，咬落都幾脆既，但真係薄囉


韭菜豬紅:豬紅口感比較實，味道中規中矩
鹵水鵝片:鹵水就真係比較淡，鵝片亦一般般

老點點心砵仔飯

早幾日同老婆去了元朗 老點點心砵仔飯食午飯，裡面坐位唔多，但都幾多人，坐低後就點了鮮上肉響玲腸、冬筍普通蝦餃、黑魚子燒賣、清酒雲吞雞、懷舊糯米雞，埋單$116蚊.

鮮上肉響玲腸:響玲咬落好脆口，特別係個腸粉都幾薄，裡面釀了蝦膠，口感唔錯



黑魚子燒賣:食得出材料既新鮮味道，豬肉有彈性

冬筍普通蝦餃:個皮就比較弱，軟腍腍

一隻蝦餃裡面起碼有三隻蝦仁，而且隻隻都有彈性之餘，鮮味亦十足
清酒雲吞雞:湯頭好香酒味，不過就淡了些，不過雲吞都幾鮮，雞肉就一般懷舊糯米雞:好耐都未食過了，見到隔離檯點了，都幾大隻下，所以都點了黎試試
味道無咩特別，但我好唔鐘意用雞柳碎囉，食得唔舒服


單據

漁牧(PART2)

早幾日一行四人又去漁牧食晚餐，因為有優惠卷及老婆想食烤鴨，所以趁優惠完結前黎幫襯多一次。

掛了好多鴨喎

因為一早訂好位，所以坐低後就點了烤鴨、椒鹽鴨架、燒海鱸魚泡椒酸菜味、乳豬、梅子冰一酌、青檸柚子冰一杯，埋單$828蚊.

燒海鱸魚泡椒酸菜味:今次試泡椒酸菜味:，其實都有點辣辣地，我就覺得幾好，但有位朋友唔食得辣，但她都話魚好味又少骨^^

乳豬:依然都咁脆皮，好味
烤鴨:這個就不過不失，鴨唔夠香，但片出來既份量都幾足，試過就算
麼麼皮:呢個皮真係做得差，口感差、無黎味道！

椒鹽鴨架:雖然比較油，但我可接受，皆因炸得超鬆脆，估唔到呢個先係亮點

單據

過橋麵檔(PART2)

上星期同老婆去了元朗過橋麵檔食晚飯，這店都相隔好幾年無黎幫襯過，但人流比之前好了多，閒日去都要排隊等位，而且門口等位既人係未停過架！不過等了一陣就有位，坐低後就點了杏汁豬肺湯、經濟咸雞套餐、霸王雞菜飯，埋單$155蚊.

杏汁豬肺湯:杏汁味比較淡，反而肉味會較重，不過我覺得唔放螺片會比較好！

經濟咸雞套餐

咸雞選用新鮮雞，一試就知，有雞味、肉質比較實，胸部一d都唔粗糙，唔錯

西洋菜豬骨例湯:味道一般般、一飲就知溝了水，所以比較淡

霸王雞菜飯

霸王雞:價錢平過咸雞一定有原因，因為選用冰鮮雞囉，肉質咬落比較鬆散，雞味亦欠奉

菜飯:菜同飯比例得好好，食得出菜香

單據

2015年暴走台北7日6夜悠閑歎美食之旅day4

今日訓醒就出發食早餐，一想起一陣又要排隊，果種又愛又恨真係在心頭！

我們搭車到世貿站2號出口

然後一直向前行到第一個建築物，然後轉右

見到七仔轉左行到第一個路口再轉右就到

行了大概十五分鐘就到達陳根好茶，現在已有不少人在等位！



所以食物都係即點即整的

大概又係等了大半小時就有位，裡面坐位不多，排隊時已點了法乳火魚土司、特火蛋餅、特調奶茶，埋單$NT190蚊


特火蛋餅:蛋餅好薄皮，肉鬆都幾多，不過就無咩特別！

法乳火魚土司:因為麵包係即煎的，味道唔算好特別，但如果要咁排隊法，我會放棄囉，果杯特調奶茶真係好淡口！

我地食飽後就行去月亮公車，車裡面係有很多幾米的插畫

地點就在101對面，好容易就搵到，見到這張相，一定知點去啦

司機係隻熊

都幾值得參觀

之後幾過101



慢慢行去信義公民會館，裡面有四四南眷村歷史






裡面亦有食品同手信賣



遊覽完卷村後，我們又出發食午餐

在卷村門口棵樹發現呢隻鳥，都幾大隻
 
午餐我們去清真中國牛肉館，又係要等，不過好快就有位
 
這間斤餅係幾出名，所以一定要試試


 
睇完菜牌後，我點了牛肉湯、紅燒半筋半肉細粉、京醬牛肉絲、斤餅，埋單$NT645蚊

京醬牛肉絲:味道唔會很濃，牛肉幾嫩，炒得唔錯

斤餅:餅比較軟熟，我喜歡再烤得脆些會更好

這樣配搭都唔錯

牛肉湯:這湯頭非常似蘿蔔牛腩既味道，不過飲得出係無味精的，都唔錯

紅燒半筋半肉細粉:紅燒味道都係唔太濃，但都好過之前那些

特別要讚下這個細粉，雖然有些似粉絲，但這個比較滑，真係食完又想食啊

單據

食飽後去了阪急百貨行下

行了阪急，又係去食下午茶

這間叠叠樂位置不在旺區，所以人客亦唔太多

牆身有很多繪畫



可以自由配搭想要的烤餅

還有樓下一層



影完相，係時候開餐，我們點了生果茶X2、草莓卡士達疊疊樂埋單$NT627蚊




草莓卡士達疊疊樂:其實如果用呢個價錢食這鬆餅，我覺得都幾貴，所以好多時賣相係好靚，影完相即刻上載到fb同班朋友分享下，一定唔少得，但真係唔覺得好好食囉！

之後在附近搭299公巴去象山，幾個站就到，好方便

落車後跟住路牌去行


好快就到達入口

不過今日空氣麻麻地，所以天空很灰，有點失望

如果要上山都幾黑，上面係好少街燈架


我只行了一段，影幾張相就搭返299公巴到忠孝敦化

今晚選擇去伍百雞晚餐，這店很有名架



我們一早打黎訂好位，所以唔洗等，之後就點了白切雞、炒蜆、薑絲鵝腸、金茸肚絲、川耳，埋單$NT1770蚊

白切雞:雞皮薄得黎好有彈性，我都係第一次食到咁既雞皮，肉質就比較實，而且有雞味，都幾唔錯

炒蜆:蜆肉好飽滿，而且又無沙

金茸肚絲:豬肚係新鮮貨，但我覺得洗得太乾淨了，味道變得好淡

川耳:唔算很脆口，但都ok
 
薑絲鵝腸:醬汁都係偏淡，同港式的好唔同

黎個大合照先

飯後果

單據


這間炸雞店既職員講，自稱台北最好食喎，我就買了炸魷魚

呢兩串炸雞係職員送俾我們試的，又幾熱情hahahaaa，不過就很一般囉

食飽後就周圍行下

又見到昨晚那檔咸水雞，講到欲罷不能咁誇張！

我們又買了青瓜同雞脾X2，埋單$NT120蚊


順便在隔離檔買飲品

種類非常多，睇好就點了蜂蜜綠茶同葡萄柚雙C綠茶，埋單$NT85蚊

單據

蜂蜜綠茶同葡萄柚雙C綠茶:估唔到呢兩杯飲品真的幾好飲，還有好多果肉架，值得推薦

青瓜:超級爽脆同多汁，好明顯同香港的品種唔同

咸水雞:味道有些似鹽焗雞，不過雞肉好有彈性，好坦白講，比伍百雞更好食^^