今日行程緊密，所以一早起身就去買定個早餐，呢一檔飯團就在酒店附近，其實上次台北之旅都有行過，但可惜已賣晒，因為街邊檔只做早上，賣完就收檔，我們買了幾個肉鬆飯團
肉鬆飯團:熱辣辣又大個，飯都軟熟，肉鬆夠乾身又香濃，油條亦好脆架，好正
然後我們去了台北車站搭捷運去淡水
出了站，我們行左手邊，先去老街行下先
前方一直行落去就係淡水老街，都幾近
這條老街有好多手信店，亦有好多老字號食店，但唔代表好食囉！
這間中藥行圍了好多人，亦唔少人買驅蚊包，應該幾有效的
許義魚酥連學生旅遊都識得黎買
我就真係唔識欣賞，之前有同事買黎當手信，真唔明有咩咁好味！
台北周圍都見到廟宇，特別係天后廟
呢條巷有好出名的阿給魚旦，還有酸梅湯，天氣咁熱，當然要買返杯，我們買了洪媽酸梅湯，味道夠濃，幾好飲
阿給魚旦:魚旦中間有些肉餡，但真係好普通囉！
食完野就順著路回捷運站
如果對北海岸有問題可問旅遊服務中心
地下會有指引，我們搭皇冠北海岸線，其實還有其它線，不過皇冠站比較少
車好準時的，每小時一班
我就買了一日全票，其實我覺得買單程的比較好，始終車班次比較疏
時間表
我們頭站在白沙灣做起點
呢個係三芝遊客中心
終於都到了白沙灣站，不過要行過對面
都有唔少人黎游水
我們向石門方向漫遊過去
老梅藻礁:剛好在台北新聞有講到，今年既老梅藻礁比往年差，因為好多人會踏上去破壞藻礁及天氣溫度問題，我在現在都覺得無特別
不過天氣真係幾熱，好彩有海風吹著，行下行下就到達午餐地方
這家劉家粽好有名氣的，等我試下先
本來最想試鮑魚粽，但已沽清！我們點了些套餐，分別招牌粽、南部粽、北部粽、蛋黃粽等等
原來這裡既粽係比較淡口架，雖然材料都算足，但粽我都係喜歡濃味些的
劉家粽既斜對面就係石門婚紗廣場，網上睇相就覺得幾靚，但現在才發覺......
石門婚紗廣場只是放了幾個建築物，地方亦唔大，影完相就繼續下一站，不過係搭公車
對出這船沉了架！
金山老街，出名係乜？當然係鴨肉啦，不過有網友推薦金山王肉包，一於試下先
有些包唔係亦時有的，要睇下在蒸什麼餡的包，我們就點了酸菜肉包、鮮蔥肉包、高麗菜包，每個NT$15蚊
鮮蔥肉包:肉汁再多些就好了
酸菜肉包:酸菜經過處理，唔會太酸，我覺得唔錯
高麗菜包:餡肉多，但出奇地高麗菜比較少，但幾好味
順便買杯金桔檸檬飲下先
呢條就係金山老街，遊客都多
其中要食正宗的金山鴨肉，就係在這廟宇裡，係咪好搞笑呢hahahaaaa
我們就點了半隻，NT$400-450
見到我拿住碟鴨周街走，係咪好搞笑呢？其實我還未俾錢架，因為係堂食，他們的食堂要行過去架
鴨肉好新鮮，淡淡既鴨味，肉質有彈性，最緊要肉質唔粗糙嘛，唔錯
其實在金山老街我們發覺有樣食物係必買的，而且真係未想象過，可能我見識少啦，遲些再介紹那樣食品
冰滴咖啡本來想買黎試架，因食飽了！
本來在金山會租單車的，但原來這單車店已倒閉了
所以還是坐車去野柳地質公園啦
頭先我所講的必買食品就係這個，看似係蕃薯，其實味道一點都唔係，你們估唔估到係咩味？遲些再開古
轉眼間已到野柳地質公園那個站，不過要行入去，大概10-15分鐘路程
地圖
呢d魚船應該捉魷魚的，咁多燈膽
呢座建築物夠晒尖啊
行下影下相就到達野柳地質公園，買票先
現在好多大陸團
呢個女皇頭係假既
我身後呢個就係真既女皇頭喇，有專人睇住同排隊影相架
遊覽完野柳公園，我們搭的士去亞尼克果子工房下午茶，因為唔想行出去搭公車，有點累
呢間就係亞尼克果子工房，這店既蛋糕好出名架，特別係瑞士卷，這裡係外賣的
堂食在隔離
款式都唔少，樣樣野都好吸引
甜品食過了，我覺得還可以，但又未到有驚喜那種囉
生果茶:好飲
然後去了隔離外賣店睇睇，雖然乜都無幫襯，但係......
職員竟然拿整條十勝生乳捲出黎切，每人一塊免費試食，那刻我真係好感動囉！其實這個卷係主打，可惜堂食竟然無得賣，不過我最後都有幸試到，好老實真係好滑好順喉，味道香濃，試過你就知
食飽後，我們在前面搭國光客運1815回市區，好方便，回到酒店先沖個涼先，之後才出發去寧夏夜市掃街
眼睛一轉，我們已在家樂福買野
有咩外籍人黎得最多家樂福掃貨？原來係日本人！貼都貼得好整齊，香港都唔差
黎到寧夏夜市，第一站一定係蚵仔煎，因為團友好鐘意食蠔，但之前都食唔到好的蚵仔煎！
要在寧夏食蚵仔煎，還是姓賴既最好heehee
蚵仔煎:賣相同之前食既係咪好大分別呢？無論材料、味道都非常好，因為加了薯粉，所以咬落有些煙韌，團友之後臨走時還買一份外賣回酒店
相信呢條人龍係寧夏夜市最長的，到底賣乜東東架？
原來係阿婆飯團，我知你好出名既
而且還有電視台黎拍攝，不過左右訪問的都係媒黎架，洗唔洗做假啊？
我都排了個隊，亦試了一試，然後講真的，無必要排隊試，我試過幾間，這間係最差的，飯有點乾，油條脆到硬架，肉鬆唔係粒狀那種，我唔喜歡！
之後去食虱目魚，呢種魚油份好多的，好味
呢檔生炒魷魚羹係我最最最喜歡的，而且真係現場生炒架
睇賣相都知幾咁足料呢，魷魚真係好好味架，大大條又唔韌，而且個湯味道一流，團友臨走時又買一份外賣回酒店
團友講呢檔蔗汁好淡喎
呢檔都係一般
現在開古喇，其實係栗子味既蕃薯，真係好栗子的，好失望係唔記得買些生既回香港！
