上個星期日係老婆生日，我出去銅鑼灣接老婆放工，然後帶她去船街嘉薈軒4號舖間PizzaExpress裡面食晚飯，間餐
廳我們都係第一次黎，裡面的環境都幾唔錯，我們分別點了凍檸檬茶X2、雜菜湯、L PIZZA
Gustosa、白汁松露菌鑼絲粉、馬利司麵包、埋單$425.7蚊，另外我想贊揚這間店的職員，因為都幾細心又會主動過黎問我們要不要加些即磨黑胡椒落
d食物度.
雜菜湯:係個職員的推薦，但我覺得無乜特別，味道較淡，但用個麵包粒點黎食都唔錯既
白汁松露菌鑼絲粉:呢個松露菌鑼絲粉非常之好味，個汁好香及鑼絲粉好煙韌
馬利司麵包:其實我唔係好明放些蕃茄上面黎做乜？因為食起黎都幾麻煩，因為d蕃茄唔係黐實在麵包上面的，就算我夾在自已碟的過程中都整到件包亂晒，加上果晒生紅蔥好辣口的，但不得不講個麵包，中間有層唔知乜野黎，但就鬼咁好味喎
芝士粉
L PIZZA Gustosa:個薄餅係我喜歡的類型，因為它薄得黎又唔會似薯條那種，因為我本身唔終於太脆果種感覺，其實我對呢個薄餅的印象都好模糊，因為味道唔係話好出色
凍檸檬茶:呢杯檸檬茶最抵飲，因為職員會不段幫我們添飲的，連糖水都一樣
前排同老婆及師兄去了荃灣新天地的翠園飲茶，這間店之前都飲過幾次了，感覺唔錯，我們點了生煎包、奶黃包、香茜牛肉腸、XO醬炒腸粉、鮮蝦荷葉飯、牛雜，埋單唔記得價錢了。
生煎包:個底煎得夠脆，如果裡面的餡料再多些就好了
流沙奶黃包:個包好軟熟又不會乾淨淨的感覺，入口順滑，D奶黃好香鹹蛋味的
香茜牛肉腸:香茜重多過牛肉，太過普通
鮮蝦荷葉飯:個荷葉飯的材料真係少得可憐，差唔多可以叫齋飯，不過味道就幾好
XO醬炒腸粉:腸粉加了XO醬煎得好野味，又不會很辣
牛雜:我最愛的牛雜，比以前用柱候醬煮時更加出色，牛雜材料的款式都比以前美心多，現在用五香黎炆又入晒味，好正
今晚因為要維修部電腦，所以整到九點幾先落樓下大家樂食晚餐，點知裡面一個客都無，我同老婆都有d嚇親，我們手快快點了燒春雞鐵板餐、牛扒鐵板餐、楊枝甘露、麥芽椰汁冰，埋單$101蚊.
牛扒鐵板餐:普通牛扒，唔想多講
燒春雞鐵板餐:老婆在呢兩個月內，第四次食燒春雞鐵板餐喇，其實我都覺得隻燒春雞幾唔錯，感覺好新鮮，肉質都幾嫩滑，特別係個蕃茄汁，我覺得好夾
酥皮湯:唔好飲
麥芽椰汁冰:我第一次飲，覺得整體唔錯，椰汁夠晒濃，裡面似涼粉的物體都有口感
楊枝甘露:楊枝甘露又係整得好好的，味道好濃郁，唔會越飲越淡的
特別要讚下這分店的經理，他真係好細心，特別幫我們送兩個餐過黎，還說:你們慢慢食啦，唔洗急的，所以呢餐食得很開心呢
昨天同老婆及師兄出了旺角金華冰廳食下午茶，因為都相隔一段時間無黎了，我同老婆點了蛋撻雞翼餐、雞扒三文治餐、菠蘿油、紅豆冰、凍檸檳，埋單$66蚊，嗚謝師兄請食下午茶.heehee
蛋撻雞翼餐
蛋撻:蛋撻都幾滑，味道剛剛好，不太甜
雞翼:今次黎食的雞翼變差了，特別係頭果節，肉質非常非常之(鞋)啊
雞扒三文治餐:次次都要必食的，雞扒又夠嫩，蕃茄又新鮮，最衰個包乾了些，唔夠軟熟
睇下個菠蘿包幾咁熱辣辣
菠蘿油:其實我有得選擇都唔會食菠蘿包的，除了金華係例外，我喜歡他們不段有新鮮熱辣辣的包出爐，令到客人可以食得開心，菠蘿包個頂層非常之脆，食一個都夠晒飽喇
紅豆冰:黎得冰廳，我特別會回憶到紅豆冰的，平時都唔會點黎飲，這杯只係滿足個人的意欲hahahaaa
凍檸檳:普普通通
