這間一品椰香之後行過，見到又係勁多人幫襯的，而且主打海南正宗文昌雞及椰子，所以非常吸引，今次決定試試，我們黃昏五點鐘就黎到，裡面一檯客都無，我們就包場食喇heehee
很簡單的醬料
餐牌
睇完餐牌後，我們就點了椰子雞半隻、手工蝦滑、蔬菜拼盤、烏冬麵、蓮藕片，埋單$199蚊
這店的文昌雞及椰子係由海南直送，雞係放養的，養足160日才送出的，睇下d雞真係好新鮮，而且皮薄無肥膏的
湯頭係用椰子水，等滾起就放雞落去
一滾起就食得，但記得先把火關到最細，因為係放養的，所以雞肉特別有彈性又滑，連雞皮都係好彈性，我朋友平時唔食雞皮的都話正，而且個湯頭真係好甜椰子味
蝦滑:裡面真係幾多蝦肉的，唔錯
烏冬:唔抵食，要$18蚊一餅，普通質素
蔬菜拼盤都ok
單據
送了一百蚊現金卷
早幾日又同朋友黎食，不過今次成晚上七點幾才到，所以要排隊等位，不過都係等了一陣就有位，因為好肚餓，所以很快就點了臘味煲仔飯(細)、一隻椰子雞、豆腐、涼拌豬耳、蔬菜拼盤，剛好埋單$24X蚊，可減一百蚊現金卷，最後才一百四十幾蚊咋，超抵
臘味煲仔飯:我見好多檯都有點，味道都幾好，醬油唔會很咸，唔錯
今次點了一隻椰子雞，但下次我會問下可否半隻咁上，因為一次過落一隻會食得好急，雞肉唔可以不段滾住的，肉質怕會變得粗糙，但文昌雞真係很不錯的雞種
涼拌豬耳:做得很正宗既四川味道，有麻又有辣，係竟然唔凍的！我個人喜歡食凍的，但個醬汁真係幾正，我要黎點雞同豆腐食，一流
豆腐:份量超足啊，才賣$10蚊咋，而且豆腐係唔易散的，好滑好夠豆味，絕對有驚喜
蔬菜拼盤
