瀛喜日本料理

今晚突然有朋友約食飯，所以記起早排荃灣有間新開的日本放題，所以放工特地行過去睇下，又上網睇下d食評，發覺都ok喎，價錢都算合理，所以就即刻訂19:30入席，任飲任食2小時，價錢係$214蚊.






以上係點單紙，款式唔算很多，但2小時黎講已足夠



先黎一盤刺身先，分別有以下




挪威三文魚:唔知係咪挪威貨，但起碼色澤同油花都靚，而且咬落既口感幾討好，肉質緊實，唔會軟瀨瀨，有魚味冇腥味，唔錯，平時普通三文魚我係唔食的！

油金魚:肉質都ok，魚味都幾濃

八爪魚:普普通通啦，不過一點都唔韌的

甜蝦:一般

虎蝦:一般

珍珠黑鳥貝:好甜

馬刀貝等等:超爽脆及鮮甜，質素比一般壽司店的都好



我們都叫了幾轉，帆立貝刺身一般



阿根廷特大赤蝦:無咩蝦味，不過肉質還ok




壽司普普通通



點了無食到，賣相唔吸引！



芒果蟹籽沙律:這個好開胃，共叫了兩碟



巴拿馬火腿黑醋沙律:無試



醉雞翼:酒味幾香，如果再凍些就好



椒鹽雞軟骨:軟骨都幾脆，係粉漿厚了些



蒜香牛柳粒:牛肉好腍，味道唔錯



韓式南山魷魚鬚:一般



燒羊架:我無試，朋友講唔錯



原隻帆立貝芝士焗:好細隻，不過芝士味幾濃



鹽燒鯖魚:肉質好實好實，只可食到邊位較薄的地方



地獄蒜心炒火雞腎:味道普通，不過雞腎唔韌的



燒甜粟米:我無食



牛油雜菇炒野菜:一般



日式炒蜆:成碟殼多過蜆肉，最終只有四舊蜆肉，不過蜆肉麻麻地




帶子群邊小食:我既最愛



牛肉壽喜鍋:醬汁甜甜地，比一般的牛肉鍋較易入口，肥牛都唔錯



韓式辛辣海鮮鍋:只有辛辣，沒有其實特別鮮味



飲品:好喜歡這店的飲品，我喜歡道地蘋果同檸檬紅茶好飲



雪條



雪糕、雪糕糯米慈、百福豆腐花



啤酒及飲品



單據

2016年7日6夜台北勁飲勁食勁爆磅歎美食之旅-day3

今日我們早餐去了山西小小刀削麵，不過我們唔係黎食麵的！




這店其實同阜杭豆漿有些類似，而且店裡竟然有個婆婆竟然識講廣東話的，而且係好正宗那種，所以點單就更方便了



這些蔥燒餅賣相幾吸引喎




然後會把一塊塊放入炭爐裡面



真係用炭去烤熟d麵包架

睇完餐牌後，我們就點了飯團X4、小籠包、三角餅夾蛋、蛋餅油條、豆漿X5，埋單$NT334蚊





飯團:這店的飯團材料都很足，特別係油條好鬆脆，肉鬆好香，糯米飯又軟熟，好味





小籠包:肉餡好新鮮，但我都係喜歡多肉汁的那種！



三角餅夾蛋:本來對呢個夾餅幾大期望，話晒都咁認真制造，但可惜食唔到炭香、蔥香、芝麻香，失望啊



蛋餅油條:其實我唔明點解台灣人會喜歡咁樣食？我覺得分開食會比較好些，反正亦食得比較舒服，蛋餅都可以既



豆漿:好味

食飽後，我們就搭捷運到台北車站





買好去瑞芳既票



去4號月台入閘



其實有幾架車都可到瑞芳的，大家睇清楚就ok



話咁快列車就到，因為係閒日，人唔算多，早知在南港站上車啦！



睇下幾多坐位



對方呢個更爽，獨霸一行hahahaaa

之後我就訓著了！





一訓醒就唔知到了邊個站，但應該快到了







這個站都幾簡陋下，應該唔多人上落的



終於都到了瑞芳，大概一小時車程



我們先出站食飯同買平溪線一日票，不過記得睇清楚下一班車的時間，因為車比較疏，通常一小時一班，所以每個站都最好留意一下或上網都能夠查到，很方便的



留意平溪線係3號月台的



平溪路線圖





出站一直向前行就係食街，市區亦好細，沒什麼特別，主要係食下野





因為天氣非常好，但好焗，所以各人都買杯果汁飲下，特別係鮮榨芭樂汁，粉紅色的品種最香，但我唔喜歡落了些話梅粉囉！



這檔係賣粽的



瑞芳名物龍鳳腿，這條街就已有好幾檔，到底邊檔最出名？網上介紹係阿霞這檔最好喎



龍鳳腿主要材料有魚漿、豬肉、洋蔥、高麗菜、紅蘿蔔等等，好似幾吸引下



然後就拿去炸到金黃色，應該幾好味的



龍鳳腿外層脆脆地，裡面又唔會很乾，非常唔錯



行了一陣就到達美食街，到底裡面有幾多美食呢？一於入去睇睇



裡面唔算好大，不過都有幾十檔食店



完全無誠意既蚵仔煎！真係求其到呢！估唔到第一樣野就中伏了......



之後去了卡特紅燒牛肉麵，都幾多人幫襯，不過價錢都唔算平，我們點了木耳、青瓜、牛三拼湯麵(1小、1大)、牛筋麵(小)，埋單$NT510蚊



木耳



青瓜




牛三拼湯麵:湯頭普普通通，唔算有驚喜，不過麵質都幾Q



牛筋麵:一般般



食飽後就在附近行一行



有人在條河釣魚，應該唔會有大魚釣吧？





之係再買些紅色芭樂上車慢慢歎，不過如果係凍的就完美喇



夠鐘上車喇，再提醒大家記得每次落車都睇下列車時間表，一小時一班！







各位團友請坐好，列車即將要關門喇



平溪線第一個站係猴硐站，一出月台就見到好多貓貓的擺設





當然還有真實的貓貓啦





先睇下猴硐景區分佈圖先





因為係中午，貓貓都係喜歡午睡





















車站面貌



其實猴硐以前係一個礦場，所以保留了些當時採礦既設施及建築物





呢度唔係只得貓架，還有好得意既狗狗呢











呢條係運礦既路軌






呢座建築物已荒廢了，因為礦場都已沒落













裡面係猴硐坑，係參觀以前採礦既情況



售票處，$NT150位




就係坐呢種車入去礦坑



出發喇，原來這車的速度係比較慢架















呢度會俾大家試玩下礦工既工具，例如鑽地同運輸車





呢度還開發中



其實整個礦坑遊覽比我想象中更短，睇既野唔算多！



之後去返車站的另一邊，因另一邊主要係睇貓貓



















其實真係好佩服當地政府，把平平無其既猴硐改做成貓村，但對我黎講真係無咩特別，景區亦唔吸引，不過平溪線都係咁上下，唔會話好有驚喜的景區



天氣咁悶熱，好似想落大雨咁，大家都有些累又口渴，所以去呢間店休息下，本來都沒什麼期待



老闆極力推薦燒仙草珍珠奶茶、芒果刨冰



燒仙草珍珠奶茶:味道有些像炭燒同涼粉既味道，不過這店既珍珠真係好Q，而且用了黑糖，我朋友臨走都要叫返杯外賣，真係幾掂



芒果刨冰:初時老闆講今年芒果失收，價錢又貴左喎，心想即係芒果都唔會多啦，點知送到面前真係有驚喜，芒果多到呢，而且都幾有芒果味，加上刨冰刨得好幼細，配上黑糖真係好美味啊，在這悶熱既天氣，這碟刨冰簡直就係恩物啦，多謝老闆你咁有誠意在門口拉客，而且又熱情^^

之後繼續下一站行程，就係十分喇，其實到站時落了一場超大雨，原本想去平溪先，但架車埋站後等了好耐都未開，又見到雨勢開始停，所以改行程先玩十分先





一出車站，就見到有天燈下墮，之後都會見到好多飛不久就下墮！



呢個燒烤雞翼包飯，相信好多人黎十分都會買黎品嘗



好老實真係幾好味又有炭香，裡面既炒飯都好味，之後想再買都要等好耐，所以放棄





呢個花生卷我無試，我唔鐘意食花生的！



呢條吊橋真係一些都唔靜呢，好鬼多人架！





好多人在放天燈




亦好多下墮既天燈，然後就會有人去拾，應該係循環再用









本來都想行去瀑布的，但商量過後怕中途落大雨就麻煩，所以決定除消





影完相後，就出發去平溪









平溪車站，人流明顯好少







其實平溪景點真係無乜，主要係這條老街，不過係好短的老街



這間平溪山泉豆花好出名的





我們點了原味豆腐花及紅豆豆腐花，豆腐花都ok滑，不過不失



呢間烤腸更加係必食的，口味選擇都唔少架，我們選了三種，分別係黃芥末味、九層塔、蒜味等等



蒜味



黃芥末味



九層塔

三種味道各有特色，但香腸既口感唔錯，我們一致都覺得要推薦





這條就係平溪老街，不過很多店都無開，人流好少



行了一陣就決定搭車回台北，都係在瑞芳轉車



在等車時，見到車站有一對貓貓，一見到老婆手上的飯團，亦刻聽話晒





幾可愛

我們回到南港站後，就轉車到忠考復興站



今晚我們要食大阪燒





全場爆滿，原來咁多人喜歡架



我們分別點了廣島風大阪燒、五目大阪燒、蕃茄文字燒、飲品，埋單$NT1100蚊



咁細個鏟到底有咩用呢？





職員好快就把材料送到黎



廣島風大阪燒:主要材料有豬肉、花枝、蛋、豆芽菜、麵條



五目大阪燒:主要材料有花枝、章魚、干貝、蒟蒻、蛋



客人可以自已親自處理，亦可以由職員幫忙，現場亦有圖教客人怎樣煎，不過安全起見，都係交俾專業人士比較好







終於煎好一邊喇，其實已很肚餓中





廣島風大阪燒同五目大阪燒都各有特色，廣島風係會加入麵條的，但五目大阪燒既八爪魚好新鮮有咬口，所以唔影咁多，趁熱食heehee



蕃茄文字燒:呢個係女職員推薦俾我們的，但我覺得蕃茄真係好普通呢，都唔知係咪老點我啊！




好似好濕咁既！



過了一陣個職員就講食得，我望住呢Pat野，都唔知點落手好，原來係要食住個細鏟，向前推，然後就鏟起有些燒蕉的那些，我真係唔識得欣賞喇，又食得麻煩！



單據



食飽後就行了一陣街，外面有些微雨，不過重點係要去搵鹽水雞做宵夜



呢檔鹽水雞係我認為最好食的，包括師大那間都要比下去啊，因為阿姐既雞比較有肉汁同彈性，而且醬料又落得足、撈得夠勻，手勢好專業



這鹽水雞晚上七點就開檔，休星期一



其實豆腐、筍、青瓜都好食架



我就忍唔住口，去了斜對面買了碗魷魚羹回酒店慢慢歎




欲罷不能係真的，因為選用走地土雞，皮脆肉彈，唔好講在香港，連內地都未必食得到呢種雞，我d團友食到上晒癮hahahaaaa



魷魚羹:麻麻地，好掛住寧夏夜市那檔啊！



黎台灣當然要買支純萃飲下啦，因為價錢比較平，最好飲係咖啡口味，奶茶好一般的，太重奶味了！