今朝早餐去了西雅圖極品嚴焙，就在酒店附近
餐廳佈置得好歐陸式
還有VIP檯，不過要提早預訂的
好雅致的佈置，我喜歡這畫面
我們五個人，安排坐梳化，張梳化好軟好舒服
如果點了一份早餐，飲品選咖啡的話，可以11:00am前任飲，都幾好喎
睇完餐牌後，就點了法式飄香、厚切豬排三明治、元氣滿滿早午餐、和風豬扒早餐，埋單$NT860蚊
美式熱咖啡
紅茶
厚切豬排三明治:d豬扒又真係幾厚，最重要係炸既時間控制得好好，肉質一點都唔老，而且咬落有肉汁，外層又非常鬆化，好味
法式飄香:這店既烤餅係好出名既，烤餅好軟棉，好味
和風豬扒早餐:我只專注食豬扒
元氣滿滿早午餐:呢個份量最多，不過雞扒就一般些，可能豬扒太高質素了，不過整體唔錯
單據
食完早餐後，就出發去華山1914文化創意產業園區，不過行過d化妝品商店，例牌入去睇下有無平野
呢隻蛋黃哥好似幾得下，一於買包試下先
台北捷運站除了返工同放工時間，其餘都唔太多人，唔似香港成日都人多
我們在忠孝新生站1號出口
然後一直向前行，去到天橋底路口轉右就到，其實這裡附近都有間西雅圖極品嚴焙的
大約十分鐘路程就到華山1914文化創意產業園區
這裡有很多展覽的
不過主要都係黎這個倒轉屋
外形都幾得意，不過就比想象中細
入場費$NT199位
話明係倒轉屋，當然咩都倒轉架啦
倒轉屋總共分兩層，如果人多就無咁好玩，加上裡面又熱又焗，應該開大d冷氣啦！
今天天氣陰陰天，都有些擔心會落雨
倒轉屋出口下面有間咖啡室，入去睇下先
其實係精品店
有冰涼既霧水噴出來，好涼爽架
四圍行下睇下，很多自家設計
行完一圈，就去了幾米主題餐廳食下野
入到去，有好多幾米既圖畫
這裡有最低消費的，就是每人都要點一杯飲品，我們睇完餐牌後，就點了炭烤雞排青醬意大利麵、西班牙海鮮燉飯、陽台之茶、冰水果茶X2、摩卡朱古力、熱帶水果冰沙，埋單$NT1958蚊
摩卡朱古力
冰水果茶:水果茶一樣咁夠味，好飲
陽台之茶
熱帶水果冰沙:這個冰沙味道好清新，好生果啊
西班牙海鮮燉飯:其實份量唔算好多，應該隻碟唔需要用咁大嘛，顯得份量更加少，不過米係生煮的，味道出奇地唔錯，估唔到水準都幾高
炭烤雞排青醬意大利麵:雞排肉質好有彈性，個青醬好特別，同雞扒好夾，唔錯
單據:雖然價錢好似有些貴，但我覺得值，因為水準好高
這大電視會不段播放幾米既圖畫的
之後畫面一轉就去了西門町，因為三位朋友都未去過，所以特地黎行一圈
行過誠品見到有間快車肉乾，朋友指明要黎快車肉乾買手信，加上有優惠，價錢都幾實惠，所以我都買幾包先
我當然支持XXXX啦
然後行去海賊王專門店，睇下有乜野買下先
行完影完又要去醫肚喇
下午茶去了鴨肉扁
其實他們唔係賣鴨的
登登登登登係賣鵝架
相隔幾個月再黎幫襯，發覺店已裝修了，感覺舒適很多，今次點了生菜、鵝半隻、米粉，埋單$NT1760蚊
生菜
鵝半隻:其實台灣既鵝同廣東既鵝完全唔同，台灣鵝係似走地鵝，肥肉比較少，相對鵝味亦比較淡，但肉質帶點彈性唔會韌，點上醬油青真係好正架
米粉:呢度既米粉亦係我既最愛，真係好幼細，配上高湯，好味
就係呢支醬油青，其實味道有些似蠔油
單據
食完下午茶就去買飲品，有朋友喜歡鮮榨水果汁
我就喜歡柚子汁多些
然後在西門町慢慢行去家樂福，路程大概十分鐘，都係一條大直路
今次主要買這款牛肉麵，上次買過覺得個湯好濃牛味，麵質就普通些，但價錢唔貴，其實還有一隻麻油雞，不過搵唔返！
買齊野後，我們行去小南門捷運站，搭車到東門站
今晚晚餐在喫飯食堂，因為一早打黎訂位，所以唔洗等，因為這店好多人幫襯架
我們一早就做定功課，所以一坐低就點了花生豬腳、招牌雞脾、奇香豆腐、蒜泥蚵、炒海瓜子、燙小卷、咸蛋苦瓜、鮮魚湯，埋單$NT2180蚊
花生豬腳:豬腳炆得好腍，邊咬邊黐住咀，好有膠質
招牌雞脾:都係走地雞，皮好薄
蒜泥蚵:蚵仔夠新鮮，不過唔算大粒
炒海瓜子:台灣人最喜歡運用九層塔黎煮野，不過係幾香既
燙小卷:我最愛的魷魚，好鮮好正，唔會灼到老晒
咸蛋苦瓜:咸蛋味出奇地溫和，應該下了功夫去調制，苦瓜亦唔會有苦澀味
奇香豆腐:裡面係魚肉餡，外層炸得又脆口
鮮魚湯:湯頭係用麵豉，要滾耐些才出到味，太急飲會發覺完全無魚味的
單據
在喫飯食堂前一條街見到一間食店長期都排晒隊的
行近些睇睇，原來係很出名的蔥抓餅，所以一於買黎試試先
排了一陣，終於都有得品嘗喇
我咬了一啖，心諗咁似印度薄餅既，完全食唔出有咩咁特別？真係好普通咋！
因為食得太飽，所以慢慢行去大安森林公園站，搭車去101
因為又係朋友們未黎過，所以點都要黎行一行既
朋友係龍貓迷，所以要黎朝聖
我都再黎影下相先
我最喜歡的角色，好可愛
行了一陣就回酒店休息
老婆隻腳都行到酸痛了
沒有留言:
發佈留言