Apm Foodcourt

前幾日同老婆去了觀塘apm商場影下相及行下，我們去了裡面的Foodcourt食午飯，分別買了MOS Burger的吉列蝦漢堡套餐$37蚊、南京路的酸辣麵$36蚊、梨花園韓國料理的泡菜豆腐豬肉湯麵套餐$45蚊.

吉列蝦漢堡:其實呢個包想試好耐好耐了，但由於之前係有限定日子的先有個賣的，好彩現在沒有限制的了，我揀了芥末醬，當我第一啖咬落去時真係好有驚喜，外脆內鮮，加上係即炸熱辣辣的，同埋非常非常喜歡呢個芥末醬，真係好夾呢個包，美味啊

摩斯芝士漢堡:呢個包係之前外賣時影的，因為當然炸蝦包已無得賣了，個包的蕃茄好新鮮好，芝士味都幾香濃，又有牛味，我覺得好食過麥記好多啊

酸辣麵:好揀唔揀......就係揀中呢間衰野，因為當日天氣都幾凍，所以想食些辣野，呢個酸辣麵的味道偏淡都算啦，d麵好鬼硬一定係個師父煮唔夠腍啊

泡菜豆腐豬肉湯麵:呢個鍋我覺得幾抵食的，材料多、味道都幾好，辣辣地，如果泡菜再多些就好了