金山海鮮酒家

今晚同班同事去了佐敦間金山海鮮酒家食晚飯，我們一行七人去到等了一陣就有位，因為之前打黎訂了位，我們點了雲英雞半隻、砵仔焗魚腸、鍋貼小棠菜、沙拉骨、蝦醬炒牛肉通菜、雜菜煲、椒鹽白飯魚、 豉椒炒聖子皇、花枝餅、咕嚕肉，埋單$748蚊。

首 先講講雲英雞即係未生過蛋的，肉質很實同有雞味，因為係新鮮雞所以特別好味，砵仔焗魚腸很足料，熱辣辣咁食真係特別正架，鍋貼小棠菜層皮炸得好脆，裡面的 材料又唔會乾淨淨喎，沙拉骨我覺得一般，我唔喜歡切得咁細塊，但味道係唔錯的，蝦醬炒牛肉通菜唔會太鹹，通菜好爽脆牛肉又唔韌，花枝餅咬落啖啖肉又好彈 牙，豉椒炒聖子皇勁大隻又新鮮，d肉好鮮甜的又唔會炒過頭，椒鹽白飯魚反而唔係我喜歡的，因為炸得太乾身，雖然好脆似足食薯片一樣，但就無晒d白飯魚味 道，雜菜煲其實整得很好味，湯係奶白色的又鮮甜，幾種菜蔬菜加埋一齊食起上黎更濃的菜味，海帶綠豆沙糖水係送的，重要係無限量供應的，雖然係太浠，但味道 一樣好濃的，還有店裡店員的服務唔係太差，上菜都幾快，加上門口勁多人等位，裡面又忙到七彩，我見到很多菜式都好似好好味咁，價錢又唔算太貴，下次一定會 再幫襯的。