今次出發前改了坐中華航空，還要係晚機去，不過都無影響心情，最緊要係能順利出發嘛
這班機都幾大，而且都幾爆下
有電影睇，時間都特別快過
初初見到呢個就係飛機餐？乜咁普通架？
點知打開才知有驚喜，原來係雞扒包，而且好熱辣辣架
雞扒咬落好嫩，包又好味，還有淡淡的芝士味，好老實比一般的飛機餐好食得多
話咁快就要降落台北桃園機場，大概一個半鐘的航程，真係唔多覺
之後去辦理入境手續，因為之前在網上填好入台證，然後印出來就ok，前後不用幾分鐘就搞掂，方便過以前多多聲，而且係免費的
拿到行李就走得
其實一出關口外，好多需要辦理的事都在附近，我先去右手面
先去ATM拿錢，用有銀聯標致的就可以，這裡左右各有一部的
然後去買張七日無限上網電話卡，分別有三間電信公司，我上網睇過講中華電信較好收，所以決定買中華
價錢表
其實拿完行李出外，地方好細，看圖就知
然後再去買機場巴士出市區，本來買長榮，但點知職員行開左！
咁就去買飛狗，我們在敦孝復興站落，這站已是最近酒店的了！
價錢係NT$140位
買了要就去便利店行下，因未有車到
飲品好多選擇
還有關東煮添
我們在九號站位上車
司機非常熱心，服務態度一流
車內情況，成架車得五個乘客，大概一個小時車程就到復興站，司機亦開得很穩定，唔似香港司機開得咁快，落了車亦要行大概十五分鐘到酒店，辦好手續就出發去搵食
今晚晚餐(其實係宵夜)係被稱在台灣最*之吃飽了還想再吃的林東芳牛肉麵，雖然係零晨時間，但都一樣很多人啊！
我已被濃郁既牛肉味吸引位了
不過先搵位坐低先
醬料
還有得加湯一次，又幾好喎
店裡選用澳洲牛肉
我們選擇一碗小的牛肚麵，一碗大的半筋半肉牛肉麵，花干一份，埋單NT$460 
花干:即係豆卜，用牛湯浸的，所以很入味
配上店的辣椒醬，非常對味，唔錯
牛肚麵:牛肚煮得好腍身
半筋半肉牛肉麵:份量好足
金黃色湯頭，試了一啖果然有驚喜，湯頭清得黎又濃郁，唔會感覺到有雜味，果然有料到
可惜麵就比較弱，我覺得有些硬添，如果用幼麵會比較好
牛肉同牛筋一樣又腍又新鮮，還好膠質
加了秘制醬後，成個湯頭味道都唔同晒，有點像川味帶點辣，但我覺得原味係最好的
之後去七仔買野飲，中間這木瓜奶好好味，木瓜味亦濃，左手邊係蘋果酸奶，雖然蘋果味都濃，但我唔鐘意酸奶味道，我們就行返酒店休息
沒有留言:
發佈留言