翔龍拉麵小籠包

前晚在荃灣同老婆、外母、外父去了愉景新城的翔龍拉麵小籠包食晚飯，好彩早去到唔洗等，這店晚上經常爆的，加上又無 得電話訂位喎，我們當晚點了雞汁炒黑木耳、花雕醉豬手、川汁醬蹄、翔龍小籠包、腿茸奶油津白、京醬牛肉絲(跟叉子)、雪菜炒粉皮、銀芽鱔糊、蔥油開洋伴 麵、四季窩貼、炸銀絲卷，埋單$538.

川汁醬蹄:蹄肉煮得好腍啊，d醬汁有甜、酸、鹹、辣四種味道，我非常喜歡

雞汁炒黑木耳:木耳唔算好爽脆，反而食到底有點鹹的感覺

花雕醉豬手:豬手處理得很乾淨，花雕香得黎又唔苦，可惜得果幾件真係到喉唔到肺啊

翔龍小籠包:皮夠薄、湯汁都算ok

腿茸奶油津白:味道比想象中淡，但我覺得這店做得頗出色，津白已吸收很多奶油，食起黎好似飲緊湯一樣，贊啊

雪菜炒粉皮:粉皮都幾滑，雪菜又夠爽，老婆話好味

銀芽鱔糊:鱔糊份量都幾多，但竟然有些鱔肉還有幾條幼骨，所以要小心些，但味道就真係唔錯，濃得黎唔會覺得鹹

蔥油開洋伴麵:麵條都算可以，醬汁亦有蔥味

京醬牛肉絲(跟叉子):牛肉炒得非常嫩滑，味道同鱔糊係同一醬汁的

四季窩貼:窩貼裡面都有很多湯汁的，但就無乜驚喜

炸銀絲卷:我平時係好少食炸銀絲卷，更加唔會主要點的，但呢晚試了一塊後，發覺係好美味架，我欣賞它炸過後裡面還很軟熟的，食完都唔覺頂胃，其實我想點多個黎食架......

單據