家傳滬曉

前晚我們一行六個人去了觀塘apm商場食晚飯，Lisa姐話這間家傳滬曉上海菜很不錯的，所以決定來試試



這 晚點了酒糟豬手、脆皮素鵝、前門醬前蹄、小籠包、樟茶鴨、韭黃蝦仁鱔糊、牛肝菌雲腿冬瓜夾、生煎包、鮮肉窩貼、香醋青瓜海蜇頭、野菌炒年糕、干煽四季豆、 高力豆沙、香蕉豆沙窩餅，用了東亞信用卡就免$100蚊，埋單$936.2蚊，鳴謝Lisa姐、Carol媽、珠姐、美女等謝客.

前門醬前蹄:前蹄普普通通，但個汁就很味，簡直係靈魂所在

香醋青瓜海蜇頭:真係好少見到用海蜇頭係咁大塊的，我唔介俾多些錢，但一定要有返咁上下質素，海蜇頭夠凍夠爽口，只是個醋同糖調得太濃味了

酒糟豬手:其實唔係用酒糟囉，味道極像花雕酒，不過酒很香醇，豬手亦算彈性，只是唔夠凍！

韭黃蝦仁鱔糊:味道比較淡，失敗

干煽四季豆:四季豆走油時間唔夠，食落比較生！

脆皮素鵝:素鵝做到有響鈴的口感，這個最有驚喜

野菌炒年糕:年糕夠腍不粘牙，整體ok

鮮肉窩貼:一碟有六隻

底部煎得幾脆口

不過我真的唔喜歡沒肉汁的餃子

小籠包:皮都ok薄，湯汁多，可惜欠鮮味

生煎包:賣相都幾討好

可惜都係沒肉汁，麻麻地

樟茶鴨:其實樟茶鴨應該係很入味的，但這鴨味道較一般

所以如果做得入味，通常係較干身，不會像相中這樣有肉汁的

牛肝菌雲腿冬瓜夾:牛肝菌很爽口，但亦有少許苦，雲腿咸得來很順喉

高力豆沙:這高力豆沙亦做唔錯，咬落很香蛋味，而且還很柔軟

豆沙甜度適中

香蕉豆沙窩餅:這窩餅係我食過最差的，上到檯已見到賣相很唔掂，而且咬落有點硬，應該炸得太過火了，味道亦怪怪地！

單據