八斗砂鍋粥茶餐廳

前晚同家人三個人去了元朗八斗砂鍋粥茶餐廳食晚餐，之前在電視介紹過，好似幾吸引，這店要晚上六點鐘才開始供應粥及煲仔飯的，呢晚點了冰鎮咕嚕肉、籠仔梅菜肉碎蒸菜心、豉油皇炒麵、泥鯭粥(14兩)，埋單$302蚊.

我們五點幾就到，大把位坐呢

餐牌

冰鎮咕嚕肉:份量唔算很多，但賣點就幾特別，我初初在想，點解唔冰鎮呢？又真係有冰粒在在底層，其實上檯時都係熱辣辣的，但如果熱食個醬汁就較酸的，但冰食反而會剛剛好，肉質亦幾有彈性

籠仔梅菜肉碎蒸菜心:賣相睇落幾吸引，在底部還有一塊荷葉，不過梅菜肉碎同荷葉的味道都滲透唔到菜心上，不過梅菜甜甜地幾好味，但都有點失望

豉油皇炒麵:這個麵炒得很出色，麵質有點脆脆地，但又唔係炸過的口感，整體鑊氣很夠，特別食完後，個碟都不會有油的

泥鯭粥:這個係三人份量的粥底，份量很多架，因為潮州粥飯粒分明，所以較飽肚，但粥底真係超級鮮甜架！

芫荽

豆醬

泥鯭:點了14兩，每人有2條，每條都幾大size

肉質係可一梭梭挑出黎食，都幾嫩滑，但最好一早把泥鯭夾出黎，免得被粥浸到過火，魚肉就會變得粗糙

睇下條泥鯭幾新鮮，剛才還游緊水的

話咁快就挑晒d肉，食得很乾淨呢

單據