去到買海鮮的地方，都幾多人喎，海鮮檔亦唔少
我們選擇了榮利記買海鮮，裡面有很多唔同種類選擇
我們原本有十一人的，所以買了十一人的份量，但最後有一個朋友無黎到，當晚買了聖子皇X11、超大元貝X11、花甲、奄仔蟹X11、游水墨魚X2、鮑魚X11，埋單$2200，店主送了一袋滾湯的海鮮材料。
我們選擇嘉彩漁村酒家
長過筷子既聖子皇
大過我手掌既超巨元貝
生猛鮑魚
奄仔蟹
花甲
游水墨魚
店主送了一袋滾湯的海鮮材料，裡面有沙白、蟹仔、魚等等
朋友帶來的七星班
我們經酒樓加工海鮮，分別係黃金墨魚、豉椒炒聖子皇、豉椒炒花甲、鹽焗奄仔蟹、果皮清蒸鮑魚、清蒸七星班、蒜蓉粉絲蒸元貝，滾海鮮湯，另外點了燒鵝一隻、薑汁炒芥蘭，埋單$1712蚊.
燒鵝:燒得都幾好，可惜醬料醃得唔太入味，整體不過不失
豉椒炒花甲:花甲都幾甜，加上完全無沙，食得很放心
薑汁炒芥蘭:ok
果皮清蒸鮑魚:鮑魚蒸得剛剛熟，肉質咬落非常腍，很正
豉椒炒聖子皇:我都係第一次見咁多份量既聖子皇，裡面足足有十一隻，味道當然鮮甜啦
黃金墨魚:其實我就喜歡刺身多些，但朋友話黃金既煮法好味，其實係加了咸蛋黃去炸，不過味道係唔錯既，墨魚亦不會炸得太老
清蒸七星班:呢條唔係養魚黎架，魚肉一梭梭又雪白，唔錯
鹽焗奄仔蟹:我很喜歡鹽焗既煮法，但我就唔多喜歡食奄仔蟹，可能我比較喜歡多肉及大隻些的肉蟹啦，但奄仔蟹膏係又滑又香既
蒜蓉粉絲蒸元貝:我們買既元貝，足足大過隻碟架，所以價錢當然亦較貴啦，雖然係咁大隻，但d肉還很腍的，初時我還怕蒸得太老,d肉會很韌添，非常唔錯
白飯
大合照
鮮榨西瓜汁:唔錯
海皇湯:這個湯認真把鬼，廚師完全浪費了我袋海鮮，求其加些奶入去，整到白色就算數，我咁大袋既材料，煲完竟然一d味都無，真係吹漲啊......唔識煲就等我黎嘛！
生果拼盤
單據
沒有留言:
發佈留言