不過呢日天色很灰暗，影唔到日落，有點失望
用蠔殼堆砌成牆，亦係流浮山的特色
影完相就去雄記買海鮮
海鮮種類都幾多及新鮮
我們共買了蟶子皇X8、元貝X8、大連鮑魚X8、龍躉、瀨尿蝦X4、蠔、奄仔蟹X4v海鮮埋單$2186蚊
買完海鮮，就過隔離明記酒家，我早一日打黎訂好位，之後點了豉椒炒蟶子皇、蒜蓉蒸元貝、果皮蒸大連鮑、龍躉兩食、椒鹽瀨尿蝦、薑蔥焗蠔、油鹽焗奄仔蟹、魚湯浸菜心，埋單$837蚊.
酸喬頭:這個喬頭大大粒，賣相一睇就知比較扎實，一咬落去個口感好到不得了，酸度又剛好喎
炸花生:無試
豉油:有些少辣的
海鮮豆腐湯:這個湯係送的，但海鮮味好濃，應該好足料煲的，唔錯
魚湯浸菜心:這個菜心煮得真好，因為比較大棵，但浸得剛剛好，口感非常好
豉椒炒蟶子皇:蟶子應該炒既時間很短，肉質一點都唔老，咬落後好彈性同鮮甜架，很高水準
椒鹽瀨尿蝦:瀨尿蝦好生猛好大隻，我還揀一隻係有膏的
睇下中間條膏幾粗，但其實無膏會好味些，但請朋友就好睇些
d肉真係好鮮甜，加上個殼又薄，勁師父炸到勁脆，好正
龍躉兩食:這個係炒球，份量幾多下
龍躉塊切得大小適中，層皮都幾厚又有彈性，加上肉質亦有魚味，一點腥都無
紅燒龍躉魚鮫:我很喜歡他們用的你你粉很薄，醬油味道亦不會很濃，唔錯
果皮蒸大連鮑:鮑魚蒸得很好，咬落非常之腍，好想食多隻就好了
薑蔥焗蠔:其實我覺得點錯了這菜，我應該點蜜蜂金蠔較好，因薑蔥焗蠔無乜特別！
油鹽焗奄仔蟹:就算係已熟了，但都感覺到很生猛
每隻都唔止多膏，還很多肉的，最怕買到貨不對版，而膏蟹我喜歡軟膏的，因比較甘香，這店的油鹽煮得很出色，d鹽很野味，超好味
蒜蓉蒸元貝:很喜歡這賣相，最怕d粉絲求其咁放
粉絲份量剛剛蓋住隻元貝，加上粉絲夠腍身，吸晒隻元貝既汁
元貝又蒸得很好，肉質一點都唔韌
不過殼就夠大喇，但d肉就唔成比例呢！
橙:又好甜又新鮮，呢餐真係食得好滿足
單據
沒有留言:
發佈留言