敘福軒

今日約了班朋友食晚飯，一行八人去了荃灣三坡坊敘福軒，因為之前經過 這店時，見到很多檯都點乳鴿食，所以約齊班人去品嚐，當晚點了紅燒乳鴿X2、京都骨、杞子紅棗蒸田雞、水煮牛肉、薑蔥霸王雞(半隻)、蒜子鮮竹大鱔煲、黃 金蝦、椒鹽鮮魷、韭菜豬紅、豉椒味菜炒鮮魷、蒜蓉炒通菜、金銀蛋莧菜、連啤酒、汽水埋單$855蚊.
這店室內有冷氣，但竟然可以食煙，同埋環境好嘈吵，想傾計都要大聲些.唉！！！

紅燒乳鴿:即點即炸

個皮炸得夠脆皮，色澤又靚

我咬了一啖後，終於明白點解咁多人點，味道醃很出色、鴿味亦很濃，一定要讚廚房師傅炸既技術，因為炸完後，鴿肉還保持大量肉質，平時我對乳鴿麻麻地，因為厚肉地方通常很粗糙，但這間竟然係很嫩滑的，正啊

韭菜豬紅:普普通通

京都骨:這碟京都骨亦係一絕，炸到外脆內嫩，粉又夠薄、茨汁打得靚、味道酸甜適中，有驚喜

豉椒味菜炒鮮魷:鮮魷炒完仍然很嫩口，又夠晒鑊氣

味菜切得夠大塊，不過味道較酸

椒鹽鮮魷:師傅用蛋黎做粉漿，所以咬落係唔覺有層隔膜的，加上食得出魷魚鮮味同蛋香

黃金蝦:蝦大小適中，肉質很彈性，蝦殼炸到脆卜卜，可以連殼食都得，但我更喜歡師傅做既咸蛋汁，極之野味

蒜子鮮竹大鱔煲:反而這煲真係大跌眼鏡啊，大鱔腥到冇朋友，影響埋d枝竹，鱔腥這點可以理解，但點解唔加大量既蒜子、薑片、蔥花呢？

水煮牛肉:好港式的煮法，辣而不香，牛肉亦切得差，因為食到大量筋部，好彩牛肉都很滑

杞子紅棗蒸田雞:老婆必點田雞，這店蒸田雞既時間就好得多，肉質非常滑

金銀蛋莧菜:好老實我未食過咁正的金銀蛋莧菜，湯頭食得出各配料既濃味，好正

蒜蓉炒通菜:ok啦

薑蔥霸王雞:冰鮮雞當然無雞味啦，但師傅勝在煮得夠滑，雖然雞胸位置仍有些小(鞋口)，但整體唔錯

單據