新東記

今晚放工後，同班同事一行十人去了東涌新東 記食晚飯，因為有位同事要調去第二個盤做，所以同他，這裡環境唔錯，露天大排檔格局，但勝在都幾靜，當晚點了中式牛柳、水煮牛肉、羊腩煲、沙拉骨、咕嚕 骨、枝竹雜菜煲、金沙酥蝦、椒鹽豆腐、椒鹽骨、椒鹽鮮魷、煎魚餅、蒜蓉炒白菜、辣子雞、欖角肉鬆炒豆角，連10支啤酒、4罐汽水及白飯，埋單$1170， 都幾抵食。

例湯:味道普普通通

中式牛柳:牛肉炒得很嫩又入味，個醬都有誠意，真唔錯

咕嚕骨:德哥最愛，但我無試到

椒鹽骨:無試

椒鹽鮮魷:外層炸得較乾身，連以為麻麻地，點知裡面既鮮魷炸得剛剛熟，唔錯

枝竹雜菜煲:非常簡單的一道菜，無乜特別

沙拉骨:如果再多些沙律就更好，不過d排骨真係炸得唔錯，咬落還有肉汁

椒鹽豆腐:雖然唔係我喜歡的豆腐，不過裡面同樣都很滑滑架，但豆味就淡左些

欖角肉鬆炒四季豆:四季豆都幾甜，肉鬆又唔會好咸，撈飯都唔錯

水煮牛肉:非常港式，完全發揮唔到辣同花椒的香味，但牛肉亦很嫩，唔知係咪剛去完重慶，完全唔覺得辣囉

煎墨魚餅:非常厚切，味道不過不失啦

冬天去得大排檔食飯，一定唔少得羊腩煲啦

份量同材料都十足，賣相吸吸，味道濃而不咸，我好欣賞這店的這道菜，因為叫他們加水，但職員竟然用返羊腩煲的汁，因為次次食這道菜，最後都會有點咸，但這裡就無咁情況發生

羊肉炆得非常腍及入味，最正係厚肉的地方，肉質都唔粗糙的

蒜蓉炒小白菜:冬天最甜係小白菜，正啊

辣子雞:睇賣相就知得個名，完全都唔正宗，但d雞肉好好味架，雖然同樣辣椒唔夠香，但雞肉炸完都咁嫩滑，一點都唔粗糙，這點以知個廚師都有些技術，不過有些同事話好辣喎......

金沙酥蝦:無試

腐竹薏米糖水:呢個係免費送的，但都咁足料真係少見，甜味又剛剛好，好感動啊

單據